مادەنيەت قايراتكەرلەرى ماجىلىسكە جاڭا كوزقاراس پەن جاڭا باعدار اكەلەدى - ا. مۇساقوجايەۆا

استانا. قازاقپارات - ەلىمىزدىڭ كورنەكتى مادەنيەت، بيزنەس جانە ساياسات قايراتكەرلەرى ق ر پارلامەنتى ءماجىلىسىنىڭ زاڭ شىعارۋشىلىق قىزمەتىنە جاڭا كوزقاراس پەن جاڭا باعدار اكەلۋگە قابىلەتتى.

بۇل پىكىردى قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجايەۆا ءبىلدىردى.

«پارتيالىق تىزىمگە ءوز ومىرىندە زور بيىكتەردى باعىندىرعان، ماسەلەن الەم چەمپيونى گەننادي گولوۆكين سىندى ءتۇرلى كاسىپ وكىلدەرى كىرىپ وتىر. وندا ءبىزدىڭ مادەنيەت پەن عىلىمنىڭ كوپتەگەن وكىلى بار. ولاردىڭ ءارقايسىسى ءوز قىزمەتتەرىندە جوعارى ناتيجەلەرگە قول جەتكىزدى. ولار ءبىزدىڭ قوعام ءۇشىن باعدار بولىپ سانالادى»، - دەدى ول.

ونىڭ اتاپ وتۋىنشە، مۇنداي بيىكتىكتەردى باعىندىرعان ادامدار قوعامدى ۇيىستىرىپ، سايلاۋعا قاتىسا الادى جانە وزدەرىنىڭ ۇستانىمدارىن بەلسەندى بىلدىرەدى.

«ولار ءبىزدىڭ قوعام ءۇشىن ۇلگى بولىپ تابىلادى. مەنىڭشە، ماجىلىسكە جاڭا ادامداردىڭ كەلۋى پارتيامىز ءۇشىن دە، قوعام ءۇشىن دە جاڭا باعدار، جاڭا كوزقاراس بولۋى ءتيىس»، - دەدى ا. مۇساقوجايەۆا.

ايتا كەتەيىك، پارتيالىق تىزىمگە 127 ادام كىرگەن. ولاردىڭ قاتارىندا بەلگىلى بوكسشى گەننادي گولوۆكين مەن الەم جانە وليمپيادا چەمپيوندارى سەرىك ساپيەۆ، يليا يلين ەندى. سونىمەن قاتار، ەلىمىزدىڭ تانىمال انشىلەرى قايرات نۇرتاس پەن جانار دوعالوۆا، ايمان مۇساقوجايەۆالار بار. مۇنان بولەك، مينيسترلەر ارىستان مۇحامەدي ۇلى، باقىت سۇلتانوۆ، ۇكىمەت باسشىسىنىڭ ورىنباسارى داريعا نازاربايەۆا، ق ر پرەزيدەنتى اكىمشىلىگىنىڭ باسشىسى نۇرلان نىعماتۋليندەر دە بار. وبلىس اكىمدەرى، سولاردىڭ ىشىندە بەردىبەك ساپاربايەۆ، سەرگەي كۋلاگين، اليك ايداربايەۆ، اماندىق باتالوۆ، دانيال احمەتوۆتەر دە وسى تىزىمدە.

اۆتور: مارلان جيەمباي