زەينەتكەرلىك جاسقا جەتكەن مەملەكەتتىك قىزمەتشىلەر جاستارعا ورىن بەرۋى كەرەك - ق ر پرەزيدەنتى
بۇگىن «نۇر وتان» پارتياسىنىڭ كەزەكتەن تىس 17- سەزىندە ءسوز سويلەگەن ق ر پرەزيدەنتى، پارتيا ءتوراعاسى نۇرسۇلتان نازاربايەۆ وسىلاي ءمالىم ەتتى.
«نەلىكتەن ءبىز ادامداردى اۋىستىرىپ جاتقانىمىزدى ءتۇسىندىرىپ، ايتۋىمىز كەرەك. بۇل شارالار ادامداردىڭ ءوز جۇمىسىندا قاۋقارسىز بولعانىنان جاسالىپ وتىرعان جوق. ءومىر جالعاسۋدا، وزگەرىستەر بولادى. قىزمەتىن ادال اتقارعان وسى ادامدارعا العىس ايتامىز. مەنىڭ ويىمشا، ەگەر قاجەت بولسا، جەرگىلىك جەرلەردەگى اتقارۋشى ورگاندار جانە ءبىز وسىندا ءوزىنىڭ ماماندىعى بويىنشا قىزمەت جولىنا اۋىساتىن دەپۋتتارعا قامقورلىق جاسايمىز»، - دەدى پرەزيدەنت.
مەملەكەت باسشىسى مەملەكەتتىك قىزمەت تۋرالى زاڭ قابىلدانعانىن، وندا زەينەتكەرلىك جاسقا جەتكەن مەملەكەتتىك قىزمەتشىلەر جاستارعا جول بەرۋى كەرەكتىگى كورسەتىلگەنىن ەسكە سالىپ ءوتتى.
«مەنىڭشە، بۇل قادام دۇرىس جانە ونى ىسكە اسىرامىز»، - دەپ ءسوزىن تۇيىندەدى ن. نازاربايەۆ.
اۆتور: رۋسلان عابباسوۆ
