قازاقستان رەسەيمەن، قىتايمەن، ا ق ش- پەن، ەۋروپا وداعىمەن ستراتەگيالىق قارىم-قاتىناستاردى نىعايتادى - ەلباسى
«بەيبىتشىلىك، قاۋىپسىزدىك پەن تىنىشتىق مۇددەلەرى ءۇشىن بارلىق جاعدايلار جاساۋى كەرەك، ورتالىق ازيا تۇراقتىلىق، ىنتىماقتاستىق پەن تاتۋكورشىلىك اۋماعى رەتىندە ساقتالىپ قالۋى شارت. سوندىقتان دا، قازاقستان ورتالىق ازياداعى كورشىلەس مەملەكەتتەردى ىنتىماقتاستىقتىڭ كوپجاقتى فورماتىن جاڭعىرتۋعا شاقىرادى. بۇل بارشامىز ءۇشىن ماڭىزدى. بۇل تۇتاستاي وڭىردەگى ەكونوميكالىق، گەوساياسي الەۋەتتىڭ كۇشەيۋىنە سەپتىگىن تيگىزەدى»، - دەپ مالىمدەدى پرەزيدەنت.
مەملەكەت باسشىسىنىڭ ايتۋىنشا، قازاقستان ەۋرازيالىق ينتەگراتسيالىق پروتسەسستەردىڭ جان- جاقتى نىعايۋىنا دا جاردەمدەسەتىن بولادى.
«بىردەن ايتايىن، «نۇر وتان» پارتياسى ءوزىن ەۋرازيالىق وپتيميستەر پارتياسى رەتىندە كورسەتىپ كەلەدى. وسىعان بايلانىستى، ە ا ە و اياسىندا ورتاق نارىقتاردى قالىپتاستىرۋ بويىنشا قادامداردى ساتىلاپ جۇزەگە اسىرۋ ماڭىزدى»، - دەدى نۇرسۇلتان نازاربايەۆ.
اۆتور: قانات مامەتقازى ۇلى
