قانداي سايلاۋ وتسە دە پرەزيدەنت باستاعان «نۇر وتان» الىپ تا، شالىپ تا جىعادى - «قازاقستان بارىسى» ب. ىستىبايەۆ

استانا. قازاقپارات - قانداي سايلاۋ وتسە دە پرەزيدەنت باستاعان «نۇر وتان» الىپ تا، شالىپ تا جىعادى.

بۇگىن استانادا ءوتىپ جاتقان «نۇر وتان» ساياسي پارتياسىنىڭ كەزەكتەن تىس XVII سەزىندە «قازاقستان بارىسى» تۋرنيرىنىڭ 2 دۇركىن جەڭىمپازى بەيبىت ىستىبايەۆ وسىلاي دەدى.

«مەن عانا ەمەس، وسى زالدا وتىرعان ۇلان رىسقۇل، گەننادي گولوۆكين، يليا يلين، سەرىك ساپيەۆ جانە باسقا دا چەمپيونداردىڭ بارلىعى ن. نازاربايەۆتىڭ قامقورلىعىمەن الەمدىك تابىستارعا جەتتى. تاۋەلسىزدىكتىڭ 25 جىلىندا تالاي بايراقتى باسەكەلەردە كوك تۋىمىزدى بيىكتە جەلبىرەتتى. بۇرىنعى زاماندا الاپات ايقاستاردا جەڭىسكە ۇلەس قوسقان باتىرلارعا حاندارىمىز تايتۇياق سىيلاعان. وسى ءداستۇردى جالعاپ «قازاقستان بارىسىندا» ماعان ەلباسى تايتۇياق التىن سىيلادى. بۇل مەنىڭ سپورتتىق تاريح جولىمداعى ەڭ ۇلكەن ماراپات»، - دەدى ب. ىستىبايەۆ.

بۇدان بولەك، بالۋان قازاقستاندىق سپورتتىڭ ۇلكەن جاناشىرى رەتىندە ەلباسىنىڭ ەرەن ەڭبەگىن ايتىپ، قازاقتىڭ باتىرلارى، ۇلت سپورتشىلارى قاشاندا پرەزيدەنتپەن بىرگە ەكەنىن العا تارتتى. «قانداي سايلاۋ وتسە دە پرەزيدەنت باستاعان «نۇر وتان» الىپ تا، شالىپ تا جىعادى»، - دەدى ول.

اۆتور: قانات مامەتقازى ۇلى