21:06, 28 - قاڭتار 2016 | GMT +5
شاراپ ءۇشىن فرانسيا جانە يران پرەزيدەنتتەرى ءبىر داستارحان باسىندا كەزدەسە المادى
استانا. قازاقپارات - فرانسيا جانە يران پرەزيدەنتتەرىنىڭ بىرلەسكەن تۇسكى اسى داستارحانعا شاراپ قويىلۋىنا بايلانىستى وتكىزىلمەي قالدى، دەپ جازادى رەسەيلىك lifenews.ru.
«The Independent» باسىلىمىنىڭ جازۋىنشا، يراندىقتار قوناقتاردى قابىلداۋشى تاراپ - فرانسۋزداردان ۇستەلگە حالال تاماقتار قويىلىپ، الكوگول سۋسىندارىن جولاتپاۋدى سۇراعان. الايدا، فرانسۋزدار وزدەرىنىڭ رەسپۋبليكالىق قۇندىلىقتارىنىڭ ساقتالۋىن: ءداستۇرلى ەۋروپالىق اس مازىرىندە شاراپتى ءجون سانايتىنىن ايتقان.
ونىڭ ورنىنا «ەليسەي سارايى» قوناقتارعا تۇسكى اس ورنىنا تاڭعى اس ءمازىرىن قابىلداۋدى ۇسىندى. ءبىراق، يران جاعى بۇل يدەيانى قابىل الماي ونىڭ «تىم ارزان» ەكەنىن ايتقان.
