دۋلات يسابەكوۆ: «قازاق ەلى» انيماتسيالىق فيلمىن كوپشىلىكتىڭ نازارىنا ۇيالماي ۇسىنا الامىز

استانا. قازاقپارات - «قازاق ەلى» انيماتسيالىق فيلمىن كوپشىلىكتىڭ نازارىنا ۇيالماي ۇسىنا الامىز. بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا جازۋشى، دراماتۋرگ دۋلات يسابەكوۆ وسىلاي ءمالىم ەتتى.

«قازاق ەلى» انيماتسيالىق فيلمىن كوپشىلىكتىڭ نازارىنا ۇيالماي ۇسىنا الامىز. ەگەر ۇيالاتىن جەرلەرى بولسا، تانىستىرىلىمعا كەلە قويماس ەدىم. بۇل جىگىتتەردىڭ انيماتسيالىق فيلمدى تۇسىرۋدەگى شەبەرلىكتەرىنە ريزا بولىپ وتىرمىن. وسى فيلمگە شەتەلدەن قىزىعۋشىلىق بايقالۋدا»، - دەپ توقتالدى دراماتۋرگ.

وسى ورايدا فيلمنىڭ ۇتاتىن تۇستارى كوپ ەكەنىنە توقتالعان د. يسابەكوۆ، ونداعى كەرەي مەن جانىبەكتىڭ ءوسۋ ەۆوليۋتسياسى ەرەكشە ۇناعانىن اتاپ ءوتتى.

«فيلم بارىسىندا ولاردىڭ وتىرار كىتاپحاناسىنان ءبىلىم الۋى، عۇلاما ۇستازداردىڭ ءدارىسىن تىڭداۋى، بولاشاق باسقارۋشىلاردىڭ قالاي بولۋى كەرەكتىگى كورسەتىلگەن. ياعني، بالالارعا ساباق الاتىن جەرلەرى كوپ. سوندىقتان بۇگىنگى كۇنمەن ۇندەسىپ جاتاتىن فيلم شىعاردىق. قازاق انيماتسيالىق فيلمىندەگى ۇلكەن تابىس رەتىندە تانىستىرىپ وتىرمىز»، - دەدى فيلمنىڭ ادەبي كەڭەسشىسى.

ايتا كەتەيىك، فيلمنىڭ تاريحي كەڭەسشىسى - تاريح عالىمدارىنىڭ دوكتورى، پروفەسسور جامبىل ارتىقباي. فيلمنىڭ ادەبي كەڭەسشى - دۋلات يسابەكوۆ، رەجيسسەرى - باتىرحان داۋرەنبەكوۆ، سەناريسى - ساعادىلدا ۇسىباليەۆ، باقىتجان قۇلجاباي، كومپوزيتورى - رۋسلان شىنىقۇلوۆ، قويۋشى سۋرەتشىسى - ازامات ەرنازاروۆ، فيلمنىڭ ديرەكتورى - نۋريددين پاتتەيەۆ، باس پروديۋسسەرى - ءسابيت ءابدىقالىقوۆ.

 اۆتور: رۋسلان عابباسوۆ