قازاقستانداعى ەلشىلىكتە قىتايدىڭ بەسجىلدىق دامۋ جوسپارى تالقىلاندى - فوتو
بۇل تۋرالى ەلشىلىكتىڭ باسپا ءسوز قىزمەتىنەن حابارلاندى.
ايتا كەتەيىك، 2015 -جىلدىڭ قازانىندا قىتاي كوممۋنيستىك پارتياسى ورتالىق كوميتەتى (ق ك پ وك) 18 -شاقىرىلىمىنىڭ V پلەنۋمىندا، قىتاي ەكونوميكاسىن دامىتۋدىڭ 2016-2020 -جىلدارعا ارنالعان بەس جىلدىق جاڭا جوسپارى قابىلدانعان بولاتىن. سەميناردا قازاقستان تاراپىنان قر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ وكىلدەرى قاتىستى. ويتكەنى ءدال وسى مەكەمە ىشكى جانە سىرتقى ساياساتتىڭ ستراتەگيالىق ماسەلەلەرىنە، قازاقستاننىڭ الەۋمەتتىك- ەكونوميكالىق دامۋىنا قاتىستى ىرگەلى زەرتتەۋلەردى جۇرگىزىپ، ەل باسشىلىعىنا ارناپ بولجام مەن تالداۋ سيپاتىنداعى ماتەريالداردى دايىنداۋمەن اينالىسادى.
«ءبىز قازاقستانمەن سىندارلى ديالوگتى قۇرۋعا مۇددەلىمىز. بۇگىنگى سەمينار بارىسىندا قازاقستاندىق ساراپشىلاردى قىتايدىڭ ەكونوميكالىق جاعدايىمەن، جاڭا دامۋ جوسپارىمەن تانىستىرىپ، قازاقستانمەن اراداعى ىنتىماقتاستىقتىڭ نەگىزگى بەتالىسى جانە باعىتتارىنا نازار اۋداراتىن بولامىز»، - دەپ اتاپ ءوتتى قىتايدىڭ ق ر- داعى توتەنشە جانە وكىلەتتى ەلشىسى جاڭ حانحۋي مىرزا.
«قازاقستان مەن قىتاي اراسىنداعى بايلانىس قازاقستان تاۋەلسىزدىك العان ساتتەن باستاپ وربىگەن بولاتىن. ىنتىماقتاستىق قۇرىلعان كەزەڭ ىشىندە ەكونوميكا سالاسىندا ايتارلىقتاي ماڭىزعا يە جوبالار دامىدى. قازاقستان مەن قىتاي اراسىنداعى جان- جاقتى ستراتەگيالىق سەرىكتەستىكتى ارى قاراي دامىتۋ جانە تەرەڭدەتۋ ماقساتىندا، سونداي- اق، بىرلەسكەن ساۋدا- ەكونوميكالىق قاتىناستاردى ىلگەرىلەتۋ ءۇشىن ق ح ر مەملەكەتتىك كەڭەسى جانىنداعى دامۋ ماسەلەلەرىن زەرتتەۋ ورتالىعى جەتەكشىسىنىڭ ورىنباسارى لۋ گوتسيان باستاعان دەلەگاتسيا قازاقستانعا كەلگەن بولاتىن»، - دەلىنگەن باسپا ءسوز بايانىندا.
اۆتور: قانات مامەتقازى ۇلى
