د. نازاربايەۆا: ەلەكتروندى كىتاپحانالاردا اۆتورلىق قۇقىقتىڭ ساقتالۋىن قامتاماسىز ەتۋ قاجەت
«بۇگىندە ەلەكتروندى كىتاپحانالاردا جانە مۇراعاتتاردا اۆتورلىق قۇقىقتىڭ ساقتالۋىن قامتاماسىز ەتۋ وزەكتى ماسەلەگە اينالدى. جالپى بولاشاق اقپاراتتاندىرۋ جانە ساندىق تەحنولوگيالار سالاسىنىڭ ەنشىسىندە بولادى. سوندىقتان وسى باعىتتا بەلسەندى جۇمىستار اتقارۋىمىز قاجەت»، - دەدى ۆيتسە- پرەمەر بۇگىن ۆەدومستۆونىڭ القا ماجىلىسىندە.
«كىتاپحانالار، ساندىق فورماتقا كوشىرۋ، اۆتورلىق قۇقىق بويىنشا مينيسترلىك تاراپىنان ناقتى ۇسىنىستار كۇتەمىن»، - دەپ اتاپ ءوتتى د. نازاربايەۆا.
ۆيتسە- پرەمەردىڭ ايتۋىنشا، قازىرگى ۋاقىتتا ەلدىڭ بارلىق مەكەمەلەرىنە قۇجاتتى جانە اقپاراتتاردى ساندىق فورماتقا كوشىرۋ تۋرالى تاپسىرما بەرىلگەن.
«بارلىق ۇيىم مەن مەكەمەلەر اراسىندا ىقپالداستىرىلعان اقپاراتتىق جۇيەلەردى قۇرۋ، اقپارات الماسۋ جۇيەلەرىن جاساۋ اسا ماڭىزدى، سەبەبى بىتپەيتىن قۇجاتاينالىم، رەسمي جانە رەسمي ەمەس بيۋروكراتيالىق قۇجاتتاردىڭ اۋىس-ءتۇيىسى - بارلىعى تىيىلۋى ءتيىس»، - دەپ ناقتىلادى د. نازاربايەۆا.
اۆتور: جاسۇلان جولدىبايەۆ
