د. نازاربايەۆا مادەنيەت مينيسترلىگىنە كادرلاردى تاڭداۋدا قاتاڭ بولۋدى تاپسىردى
«بۇگىندە مينيسترلىك الدىندا مادەنيەت جانە سپورت سالاسى ماماندارىن دايارلاۋ بويىنشا ۇلكەن مىندەتتەر تۇر. سوندىقتان مادەنيەت جانە سپورت مينيسترلىگى كادرلاردى تاڭداۋدا قاتاڭ بولۋ قاجەت»، - دەپ تاپسىردى د. نازاربايەۆا مينيسترلىكتىڭ القا ماجىلىسىندە.
ونىڭ سوزىنە قاراعاندا، مەكەمەلەردىڭ جۇمىس ساپاسى مەنەدجمەنت دەڭگەيىنە جانە ءبىرىنشى جەتەكشىسىنىڭ بىلىكتىلىگىنە عانا ەمەس، قۇرىلعان كومانداعا دا بايلانىستى.
«سول سەبەپتى مەنىڭ ويىمشا، ءبىزدىڭ الدىمىزدا تۇرعان مىندەتتەرگە وراي، بارلىق جەتەكشىلەرگە دەگەن تالاپتى قاتاڭداتا ءتۇسۋ قاجەت»، - دەپ تولىقتىردى ۆيتسە- پرەمەر.
د. نازاربايەۆانىڭ پىكىرىنشە، وسى سالادا باسقارۋشى رولگە يە مامانداردىڭ ىسكەرلىگىنە، ولاردىڭ ىسكە دەگەن جاۋاپكەرشىلىگىنە، ماسەلەلەردى شەشۋدەگى قادامدارىنا كوپ نارسە بايلانىستى.
«باسشىسى جاقسى بولسا، سول جەردە جۇمىس قايناپ تۇرادى. اقشا بارلىعىنا دا جەتىپ تۇرادى، وندا قىزمەت ىستەپ جۇرگەن ادامداردىڭ كوڭىلىندە قاياۋ بولمايدى»، - دەدى د. نازاربايەۆا.
