الماتى وبلىسىندا اپاتقا ۇشىراعان تىكۇشاقتان قازا تاپقانداردىڭ مۇردەسىن ىزدەۋ جۇمىستارى جۇرىپ جاتىر - فوتو
قازىر قازا تاپقانداردىڭ مۇردەلەرى ىزدەستىرىلۋدە. ساعات 10:20 دا 5 ادامنىڭ مۇردەسى تابىلدى. اپات ورنى قاپال اۋىلىنا قاراي بۇرىلىستان 3 شاقىرىم جانە تالدىقورعانعا قاراي 1 شاقىرىم جەردە.
الماتى وبلىسى ت ج د- دا «جەدەل جەلى - 87282220460» اشىلدى. 102 قوڭىراۋ شالىندى. ۆ. ت. كوندراتيۋك تۋىستارىنان - 21 قوڭىراۋ، گ. حاميتوۆا تۋىستارىنان - 13، ب. قايسانوۆا تۋىستارىنان - 13، ق. ءابىلقاسىم تۋىستارىنان - 28، ازاماتتار مەن ب ا ق وكىلدەرىنەن 27 قوڭىراۋ شالىندى.
ەسكە سالساق، 2016-جىلعى 27- قاڭتاردا ساعات 17:17 دە الماتى وبلىسى ت ج د ءبىرىڭعاي كەزەكشى- ديسپەتچەرلىك قىزمەتىنە استانا قالاسى ىزدەۋ جانە قۇتقارۋ كەزەكشى ۇيلەستىرۋ ورتالىعىنان الاكول اۋدانى ءۇشارال اۋىلىنان سول كۇنى تالدىقورعان باعىتىنا اۋىرعان بالانى اۋرۋحاناعا اپارۋ ءۇشىن «اسپان» ا ق- عا تيەسىلى MD-600 تىكۇشاعى 15:45 تە ۇشقانى جايلى حابارلاما تۇسكەن.
ساناۆياتسيا جانە استانا ا ق وكىلدەرىنىڭ دەرەكتەرىنە سايكەس تىكۇشاقتا 5 ادام بولعان.
بورتپەن بايلانىس 16:55 تە جوعالعان، بورت سوڭعى پۋنكتىنە شارتتى ۋاقىتتا كەلگەن جوق، دەپ حابارلادى ت ج ك باسپا ءسوز قىزمەتى.
ق ر ءى ءى م بۇيرىعى بويىنشا وقيعا ورنىندا ىزدەۋ جۇمىستارىن جۇرگىزۋ ءۇشىن تالدىقورعان قالاسىنان، قارابۇلاق كەنتىنەن، وبلىستىڭ ءى ءى د- دەن جوعارى ءونىمدى تەحنيكا، 3 ءورت ءسوندىرۋ ءبولىمى، 2 اۋداندىق ءبولىم قىزمەتكەرلەرى، وبلىستىڭ ت ج د جەدەل قۇتقارۋ جاساعىنىڭ قۇتقارۋشىلارى جىبەرىلدى. كۇشتەر مەن قۇرالداردى تارتۋ جوسپارىنا سايكەس ق ر ق م تالدىقورعان گارنيزونى مەن ق ر ءى ءى م ۇلتتىق گۆاردياسىنىڭ اسكەري ءبولىمى، اۋىل اكىمدەرى، پوليتسيا ۋچاسكەلىك پۋنكتتەرى، شالعاي قىستاقتار حاباردار ەتىلدى.
19:30 دا ەسكەلدى اۋدانى اقىن سارا اۋىلى اۋدانىندا وبلىس ت ج د كوماندالىق-شتاب بازاسىندا ىزدەۋ-قۇتقارۋ جۇمىستارىنىڭ جەدەل شتابى قۇرىلدى.
18 ىزدەۋ توبى ۇيىمداستىرىلدى. ىزدەۋگە 500 ادام، 70 بىرلىك تەحنيكا تارتىلدى.
ەسكەلدى اۋدانى اكىمدىگى 100 ادامعا تاماقتانۋ پۋنكتىن مەكتەپ پەن بالاباقشادا جەكە قۇرامعا جىلىناتىن ورىن ازىرلەدى.
اۋا رايىنا كەلسەك، ەسكەلدى، اقسۋ اۋداندارىندا قار، جەل، جول دۇرىس كورىنبەيدى، ىزدەۋ جۇمىستارى كۇردەلى جاعدايدا وتۋدە.
