12:18, 28 - قاڭتار 2016 | GMT +5
قازاقستانعا سولتۇستىك جانە باتىس افريكا ەلدەرىنىڭ كوشباسشىلارى رەسمي ساپارمەن كەلەدى
استانا. قازاقپارات - سىرتقى ىستەر مينيسترلىگىنىڭ باسشىلىق قۇرامىمەن بولعان كەزەكتى ماجىلىستە ۆەدومستۆو باسشىسى ەرلان ىدىرىسوۆ افريكالىق ەلدەرمەن بايلانىستاردى كەڭەيتۋ مىندەتتەرىن بەلگىلەدى.
ۆەدومستۆونىڭ باسپا ءسوز قىزمەتى حابارلاعانداي، الدا 29-31- قاڭتاردا وتەتىن ادديس-ابەباداعى افريكالىق وداق سامميتىنە بايلانىستى ە. ىدىرىسوۆ افريكالىق ەلدەرمەن، اسىرەسە، ەكونوميكالىق سالاداعى ىنتىماقتاستىقتىڭ وراسان پەرسپەكتيۆالارىن اتاپ ءوتتى.
وندا ق ر باقىلاۋشى مارتەبەسىنە يە بولادى.
بيىل قازاقستان ءبىرقاتار مەملەكەت باسشىلارى مەن سولتۇستىك جانە باتىس افريكا ەلدەرىنىڭ سىرتقى ساياسي ۆەدومستۆولارىنىڭ ەلگە ساپارى كۇتىلىپ وتىرعانى اتاپ ءوتىلدى. ەفيوپيا استاناسىنا ا و سامميتىنە ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆىڭ باسقارۋىمەن قازاقستاندىق دەلەگاتسيا قاتىسادى.
