سولتۇستىك قازاقستان وبلىسىندا ت م د- داعى كابەل شىعارۋ بويىنشا جالعىز زاۋىت ىسكە قوسىلدى
كاسىپورىن ەكىنشى بەسجىلدىقتىڭ يندۋستريالاندىرۋ كارتاسىنىڭ 16-جوباسى جانە س ق و- نىڭ 2016-جىلى ىسكە قوسىلعان ءبىرىنشى جوباسى بولىپ تابىلادى.
زاۋىتتىڭ اشىلۋىنا س ق و- نىڭ اكىمى ەرىك سۇلتانوۆ قاتىستى. ايماق باسشىسى بۇگىندە ءبىزدىڭ ەلىمىزدە مەملەكەت باسشىسى نۇرسۇلتان نازاربايەۆتىڭ تاپسىرماسىمەن يندۋستريالىق-يننوۆاتسيالىق سالاسىن دامىتۋ بويىنشا كولەمدى جۇمىس جۇرگىزىلىپ وتىرعانىن اتاپ ءوتتى.
«جاڭا كاسىپورىن ودان ءارى داميتىنا سەنىمدىمىن. زاۋىتتىڭ باسشىلىعى مەن قىزمەتكەرلەرىن ءوندىرىستىڭ اشىلۋىمەن قۇتتىقتايمىن! سىزدەرگە گۇلدەنۋ، سەنىمدى قارقىندى دامۋ جانە تابىس تىلەيمىن!» - دەدى ەرىك حامزا ۇلى.
«BARTEC» كومپانياسىنىڭ ت م د بويىنشا ۆيتسە-پرەزيدەنتى دميتري سۇلتانوۆ بۇل قازاقستاندا وسىنداي تەكتەس ءبىرىنشى ءوندىرىس ەكەنىن اتاپ ءوتتى.
س ق و- نىڭ اكىمى سيمۆوليكالىق تۇيمەشەكتى باسۋ ارقىلى كاسىپورىن جۇمىسىنىڭ باستالۋىنا جول اشتى.
وبلىستىق اكىمدىكتىڭ باسپا ءسوز قىزمەتىنىڭ اقپاراتىنشا، «BARTEC Kazakhstan» ج ش س- ءنىڭ زاۋىتى جوعارى ىلعالدىلىق، قاتتى حيميالىق اسەر ەتۋ جانە وسىرىلگەن مەحانيكالىق جۇكتەمە كەزىندە پايدالانۋعا بولاتىن وزىنەن-ءوزى رەتتەلەتىن جىلىتۋ كابەلىن شىعارادى. ءونىم سۋمەن جابدىقتاۋ، ونەركاسىپ سياقتى سالالاردا پايدالانىلۋى مۇمكىن.
الەمدە BARTEC كومپانياسىنىڭ كابەلدىڭ بۇل ءتۇرىن شىعاراتىن ەكى زاۋىتى جۇمىس جاساۋدا. پەتروپاۆلدا ءۇشىنشى جانە ت م د اۋماعىنداعى جالعىز زاۋىت اشىلعان.
زاۋىت ينۆەستيتسيالىق قاراجات ەسەبىنەن قۇرىلدى. شەتەلدىك سالىمداردىڭ جالپى سوماسى 600 ميلليون تەڭگەنى قۇرادى.
