عالىمدار: جۇرگىزۋشىلەر اقىل-ەسىنىڭ كەمدىگى اۋرۋىنا سيرەك ۇشىرايدى
كولۋمبيا ۋنيۆەرسيتەتىندەگى زەرتتەۋشىلەردىڭ پىكىرىنشە، كولىكتى باسقارۋ ادامنىڭ اقىل-ەسىنىڭ كەمدىگى اۋرۋىنىڭ پايدا بولۋىنا جول بەرمەيدى.
بۇل جۇرگىزۋشىنىڭ كولىكتى باسقارعان كەزدە اسا قىراعى جانە وتە مۇقيات بولۋى ءتيىس ەكەندىگىمەن بايلانىستى. بۇدان باسقا، كولىك جۇرگىزۋ ادامدى ۇستامدىلىق، ەركىندىك سەزىمىنە بولەيدى.
عالىمداردىڭ ايتۋىنشا، كوپتەگەن زەينەتكەرلەر كولىك جۇرگىزگەن كەزدە وزدەرىن قوعامنىڭ تولىققاندى مۇشەسى رەتىندە ەسەپتەيدى.
بۇدان باسقا، قاريا جۇرگىزۋشىلەردىڭ كولىكتى باسقارۋدان باس تارتۋى ولاردىڭ پسيحيكالىق جانە مورالدىك جاعدايىنا كەرى اسەرىن تيگىزەدى. كوبى ءتىپتى كۇيزەلىسكە ۇشىراپ جاتادى.
عالىمداردىڭ ايتۋىنشا، جاس ەرەكشەلىگىنە بايلانىستى كولىكتى جۇرگىزۋدەن باس تارتۋعا ءماجبۇر بولعان ەگدە جاستاعى ادامدارعا كومەكتەسۋ كەرەك ەكەن.
