اق نان ادام دەنساۋلىعىنا زيان كەلتىرەدى

استانا. قازاقپارات - عالىمدار اق ناننىڭ ادامنىڭ دەنساۋلىعىنا قانداي زيان كەلتىرەتىنىن دالەلدەدى.

يسپانياداعى ناۆاررا ۋنيۆەرسيتەتىنىڭ ماماندارى بەس جىل بويى بۇل ماسەلەنى زەرتتەۋمەن اينالىسقان.

زەرتتەۋگە قاتىسقان 10 مىڭ ادام تاجىريبە كەزىندە اق ناننىڭ بەلگىلىنگەن كولەمىن جەگەن.

120 گرام نەمەسە ودان كوپ مولشەردە اق نان جەگەن ادامدار كۇنىنە 60 گرام نان جەگەندەرگە قاراعاندا سەمىزدىك اۋرۋىنا شالدىعۋ قاۋپى 40 پايىزعا ۇلعايعان.

ماماندار اتالعان زەرتتەۋگە تەك اق ۇننان ازىرلەنگەن ناندى عانا تاڭداپ العان.

سەبەبى، اق ناننىڭ قۇرامىندا تۇز بەن قانتتىڭ مولشەرى كوپ، ءبىراق جاسۇنىق از.

اتالعان زەرتتەۋدىڭ قورىتىندىلارى بريتاندىقتارعا باعىتتالعان. ويتكەنى اعىلشىندار اق ناندى سۇيسىنە جەيدى. تاڭعى اس كەزىندە ولار ەكى ءتىلىم اق نان، ءتۇس كەزىندە - بۋتەربرود جەيدى. كۇن سايىن مۇندا ءتورت ميلليون بولكە اق نان ساتىلادى.