جاڭالىق سايتتارى ەپيدەميانىڭ جىلدام تارالۋىنا توسقاۋىل قويادى

استانا. قازاقپارات - ونلاين پورتالداردىڭ تۇماۋ ەپيدەمياسى تۋرالى جازۋى ونىڭ جىلدام تارالۋىنا توسقاۋىل قويادى.

H1N1 تۇماۋىمەن اۋىرعاندار سانى مەن ەپيدەميا تۋرالى جاڭالىقتار سانىنىڭ بايلانىسىن زەرتتەگەن كانادا مەن قىتاي عالىمدارى وسىنداي توقتامعا كەلىپ وتىر.

N+1 سايتىنىڭ حابارلاۋىنشا، زەرتتەۋشىلەر ب ا ق- تاعى «بايبالامنىڭ» ەپيدەميا تارالماۋىنا وڭ اسەر ەتەتىنى دالەلدەگەن.

بۇل زەرتتەۋگە دەرەكتەر قىتايدىڭ 36 ميلليون ادام تۇراتىن شەنسي پروۆينتسياسىنان جينالعان. ءۇش اي ىشىندە عالىمدار جاڭالىقتاعى ەپيدەميا تۋرالى حابارلامالاردى، سونداي-اق اۋرۋحاناعا جاتقىزىلعان سىرقاتتار تۋرالى مالىمەتتەردى جيناعان.

ءبىر قىزىعى ەپيدەميا تۋرالى اقپاراتتار ءجيى جاريا ەتىلگەن 10 كۇن ىشىندە اۋرۋحاناعا وسى سىرقاتپەن تۇسكەندەر سانى ەكى ەسەگە ازايىپ كەتكەن.

عالىمدار بۇل قۇبىلىستى ب ا ق- تىڭ ادامدار ارەكەتىنە اسەر ەتەتىندىگىمەن بايلانىستىرادى.