رەسەيدە «التاي حانشايىمىن» قايتا جەرلەۋگە قاتىستى سوت ءىسى باستالدى

استانا. قازاقپارات - تاۋلى-التايدىڭ قالالىق سوتى «التاي حانشايىمى» سۇيەكتەرىن قايتا جەرلەۋگە قاتىستى ءىستى قاراي باستادى.

جەرگىلىكتى تۇرعىندار سوڭعى كەزدەگى كوبەيىپ كەتكەن اپاتتاردىڭ بارلىعى مۋميانى قازىپ العاننان بولدى، دەپ وتىر.

سوتتىڭ رەسمي سايتىندا ارىزدانۋشى رەتىندە مۋميانى قايتا جەر قوينىنا بەرۋ ماسەلەسى جونىندەگى ۇيىمداستىرۋ كوميتەتىنىڭ ءتوراعاسى اكاي كينە كورسەتىلگەن. جاۋاپكەر تاراپ - ا. انوحين اتىنداعى ارحەولوگيا جانە ەتنوگرافيا ينستيتۋتى.

سوتتىڭ كەلەسى وتىرىسى 2- اقپانعا بەلگىلەنگەن.

مۋميانى جەر قوينىنا بەرۋ تۋرالى ارىز-تالاپ سوتقا 2015-جىلى جەلتوقسان ايىندا بەرىلگەن.

«التاي حانشايىمىن» 1993-جىلى ءنوۆوسىبىر ارحەولوگتارى التاي تاۋ سىلەمدەرىنىڭ ۋكوك ۇستىرتىندەگى قورعانداردان تاپتى. الايدا جەرگىلىكتى تۇرعىندار مۋميانى عالىمدارعا زەرتتەۋگە بەرۋگە قارسىلىق ءبىلدىردى، ءارى ونى تابىلعان جەرگە قايتا اكەلىپ جەرلەۋدى تالاپ ەتىپ وتىر.

ەكى جىل بۇرىن التايلىقتار وسى شاراعا قاتىستى پەتيتسياعا قول جيناي باستادى. جەرگىلىكتى تۇرعىندار اپاتتار مەن باقىتسىزدىقتاردىڭ بارلىعىن ارحەولوگتاردىڭ قورعاندى قازىپ، سۇيەكتەردى الىپ شىعۋىنان كورۋدە.