تايلاندتا قۋىرشاقتارعا ۇشاق بيلەتتەرى ساتىلماق
بيلەت قۇنى تولىق بولماق ءارى ولارعا ناعىز جولاۋشىلارعا قىزمەت كورسەتكەندەي قىزمەت تە كورسەتىلمەك، دەپ جازادى 24.kz.
قۋىرشاقتارعا تىسكە باسارلار مەن سۋسىندار ۇسىنىلماق، الايدا اۆاريالىق شىعۋ ەسىگىنىڭ جانىندا وتىرۋعا تىيىم سالىنىپ وتىر. ەگەر جولاۋشى قۋىرشاعى ءۇشىن بيلەت المايتىن بولسا، وندا ول قول جۇگى رەتىندە باعالانادى ەكەن.
تاعى ءبىر جايت، قۋىرشاقتار اۋەگە كوتەرىلگەن كەزدە جانە قونۋ كەزىندە ورىندىق بەلدىگىن تاعۋلارى قاجەت. ايتا كەتەيىك، بۇل تەك تايلاندتا سوڭعى كەزدە تانىمال بولا باستاعان Luk Thep، ياعني «پەرىشتە ءسابيى» اتتى قۋىرشاققا عانا قاتىستى. ولاردىڭ باعاسى بىرنەشە ءجۇز دوللارعا تەڭ. تايلاندتىقتار ولاردىڭ بويىندا شىنىمەن دە پەرىشتە سابيلەرىنىڭ جانى بار ەكەندىگىنە سەنەدى. ەگەر ولاردى باپتاپ-كۇتسە، ساتتىلىك اكەلەتىندىكتەرىنە دە نىق سەنىمدى.
تايلاندتىقتار ولارعا قىمبات برەندتەردەن كيىم-كەشەكتەر مەن ءتۇرلى اكسەسسۋارلار الاتىن كورىنەدى. بۇعان قوسا بانگكوكتىڭ Neta Grill مەيرامحاناسى ءوزىنىڭ Facebook-تەگى پاراقشاسىندا اتالعان قۋىرشاقتارعا ارناپ، بالالار ءمازىرىنىڭ باعاسىنا تەڭ ارنايى ءمازىر ۇسىناتىندارىن حابارلاعان. ءبىر ەسكەرە كەتەتىنى، بۇنداي ءمازىردى تاپسىرىس بەرىلگەن كۇللى تاعام تولىعىمەن جەلىنسە عانا بەرە الادى ەكەن.
