سۋدا بوسانۋ ايەل دەنساۋلىعىنا زيان تيگىزۋى مۇمكىن - عالىمدار

استانا. قازاقپارات - باتىستا سۋدا بوسانۋ سانگە اينالا باستادى. ءداستۇرلى تاسىلگە قاراعاندا، سۋدا بوسانعان ايەلدەردىڭ تولعاعى جەڭىل بولادى دەيدى ماماندار.

بۇل رەتتە جاڭا ءتاسىلدى جاقتاۋشىلار بۇل اناعا دا، بالاعا دا قاۋىپسىز دەپ قوشتاۋدا.

سوندىقتان دا كوپتەگەن ايەلدەر جاڭا ءتاسىلدى قولدانا باستادى. الايدا عالىمدار مۇنىڭ شىنىمەن دە قاۋىپسىز ەكەنىن انىقتاۋدى شەشتى.

بۇل ءۇشىن ولار «ءداستۇرلى» جانە «سۋدا» بوسانعان ايەلدەردى، تۋعان نارەستەلەردىڭ مەديتسينالىق كارتاسىن سالىستىردى. ماماندار شىنىمەن دە بالالاردان ەشبىر ايىرماشىلىق تاپپادى.

ال انالاردا ءبارى جاقسى بولىپ شىقپادى. زەرتتەۋشىلەر سۋدا بوسانعان ايەلدەردىڭ جىنىس جولدارىنىڭ جۇمساق ۇلپالارى جىرتىلعان جاعداي ءجيى كەزدەسكەنىن بايقاعان. امەريكالىق اكۋشەرلەر قاۋىمداستىعى مۇنداي تۇجىرىممەن ءۇزىلدى- كەسىلدى كەلىسكىسى كەلمەيدى. ولار بەلسەندى جارنامالانىپ كەلە جاتقان سۋدا بوسانۋ ءتاسىلىنىڭ قاۋىپسىزدىگىنە سەنىمدى، دەپ جازادى planet-today.ru.