سامسۋڭ كومپانياسى ەسكى تەلەفونداردى جاڭاعا ايىرباستايدى

استانا. قازاقپارات - Samsung كومپانياسى تەلەفونداردىڭ ەسكى مودەلدەرىن جاڭالارىنا الماستىرۋدىڭ جىل سايىنعى باعدارلاماسىن ىسكە قوسادى، دەپ جازادى شەتەلدىك ب ا ق.

باعدارلاما وڭتۇستىك كورەيادا ناۋرىز ايىندا ساتىلىمعا قويىلاتىن جاڭا Galaxy S7 سمارتفونى شىعارىلعان ۋاقىتتا جۇمىس ىستەي باستايدى.

كەيىنىرەك Samsung بۇل باعدارلامانى باسقا ەلدەردە دە ىسكە قوسپاق.

وسىعان ۇقساس قىزمەت Apple كومپانياسىندا دا بار ەكەنىن ايتا كەتكەن ءجون. iPhone Upgrade Program دەپ اتالاتىن بۇل باعدارلاما وتكەن جىلعى قىركۇيەك ايىنان بەرى قولجەتىمدى.

بۇل باعدارلامانىڭ تالاپتارىنا سايكەس، اي سايىن ابونەنتتىك تولەمدى (32 دەن 44 دوللارعا دەيىن) سالاتىن كليەنت جىل سايىن سمارتفونىن جاڭا مودەلگە اۋىستىرا الادى.