كوزگە تىك قاراي الاسىز با؟
بۇل كورسەتكىش تەك 2 جاعدايدا وزگەشە بولادى: عاشىقتار اراسىنداعى جانە اگرەسسيۆتى كۇيدەگى ادامدار اراسىنداعى قارىم- قاتىناستا. سوندىقتان، ەگەر ءبىر بوتەن ادام سىزگە ۇزاق ۋاقىت بويى كوز الماي قاراپ تۇرسا، كوپ جاعدايدا بۇل جاسىرىن اگرەسسيانىڭ بەلگىسى بولىپ كەلەدى.
* * *
كوزبە-كوز كونتاكتىنىڭ ۇزاقتىعى اڭگىمەلەسۋشىلەردىڭ اراسىنداعى قاشىقتىققا بايلانىستى بولادى. ارا قاشىقتىق نەعۇرلىم ۇلكەن بولسا، كوزبە-كوز بايلانىس تا سوعۇرلىم ۇزاق بولادى ەكەن. سوندىقتان، ىسكەرلىك اڭگىمە كەزىندە ۇستەلدىڭ ەكى جاعىندا، ءبىر-بىرىنە قاراما-قارسى وتىرعان ءجون. سونداي-اق، كەز كەلگەن كەزدەسۋدە ءدامحانادا، مەيرامحانادا جىگىت پەن قىز بىرىنە- ءبىرى قاراما-قارسى وتىرۋى قاجەت. سەبەبى، كوزدەر اراسىنداعى قاشىقتىق سىزگە ءوزىڭىزدى بوس ۇستاۋعا، ەركىن سويلەۋگە مۇمكىندىك بەرەدى.
* * *
ەرلەرگە قاراعاندا ايەل ادامدار ۇناتىپ تۇرعان ادامعا ۇزاعىراق قارايدى ەكەن. زەرتتەۋ بويىنشا، ايەل ادامدار ەر ادامدار سەكىلدى تىك قاراۋدى ايبات شەگۋ رەتىندە قابىلدامايدى. كەرىسىنشە، قىزىعۋشىلىق پەن قارىم- قاتىناسقا تۇسۋگە ىنتا دەپ تۇسىنەدى ەكەن. ارينە، بۇل كەيبىر جاعدايلاردا باسقاشا بولۋى مۇمكىن. جالپى، كەز كەلگەن نارسەگە اناليز جاساعاندا بەلگىلەردى بولەك قاراستىرىپ ەمەس، جالپى الىپ باقىلاۋ كەرەك. بۇل عىلىمدا يندۋكتسيا دەپ اتالادى.
* * *
تىك قاراۋشىلىقتى شىنايىلىق پەن اشىقتىققا جاتقىزۋ قاتە. وتىرىكتى ايتا الاتىن ادام اڭگىمەلەسىپ تۇرعان ادامنىڭ كوزىنە تىك قاراۋدى جانە قولدارىن بەتىنە جاقىنداتپاۋدى قاداعالاي ءبىلۋى مۇمكىن. سوندىقتان، الدانىپ قالماڭىز، سوزدەرىنە دە، كوزدەرىنە دە، ەڭ باستىسى، ونىڭ ەموتسياسىنا نازار اۋدارىڭىز.
* * *
كوزدىڭ قاراشىعىنىڭ ۇلعايۋى مەن كىشىرەيۋى ساناعا باعىنبايدى. سوندىقتان، ادامنىڭ سىزگە دەگەن قىزىعۋشىلىعىن ايقىنداتىنى انىق. ونى ءبىلۋ ءۇشىن مىناداي كىشىگىرىم اناليز جاساۋعا بولادى: قاراشىقتىڭ ۇلعايۋى سىزگە دەگەن قىزىعۋشىلىقتىڭ، ال قاراشىقتىڭ كىشىرەيۋى ايبات شەگۋدىڭ بەلگىسى. سونداي- اق، كوزدىڭ قاراشىعىنىڭ ۇلعايىپ- كىشىرەيۋى جارىققا دا بايلانىستى بولاتىنىن ەسكەرىڭىز. جارىق جەردە كوزىمىزدىڭ قاراشىعى كىشىرەيەدى دە، قاراڭعى جەردە ۇلعايادى.
* * *
ۇيالشاق ادامدار كوبىنە كوزگە تىك قاراي المايدى. ونداي ادامدارعا كوپشىلىك اراسىنا ءجيى شىعىپ، ادامدارمەن قارىم- قاتىناسقا بەلسەنە تۇسۋگە كەڭەس بەرەمىز.
ال ءسىز كوزگە تىك قاراي الاسىز با؟
