كاسىپكەر ايەلدەر تەگىن تاۋارلار دۇكەندەرىن بارشا قازاقستان بويىنشا اشۋدى جوسپارلاۋدا

بۇل تۋرالى بۇگىن استانادا «اتامەكەن» ۇلتتىق كاسىپكەرلەر پالاتاسى ىسكەر ايەلدەر كەڭەسىنىڭ باسشىسى ءلاززات رامازانوۆا ءمالىم ەتتى.

«اتامەكەن» ۇلتتىق كاسىپكەرلەر پالاتاسى ىسكەر ايەلدەر كەڭەسىنىڭ جۇمىسى بيىل ناقتى ىستەرمەن باستالعاندىعىن قالايمىز. سوندىقتان ءبىز ءۇش جوبانى قولعا الۋدى جوسپارلاۋدامىز. ول تەك استانادا عانا ەمەس، بارلىق وڭىرلەردە دامىتىلادى، - دەدى ول. - ەڭ ءبىرىنشى جوبا - يننوۆاتسيالىق جوبا. ايەلدەر باستاماسىمەن موبيلدى قوسىمشا جاسالىپ، ول ارقىلى دەنساۋلىققا پايدالى تاعامعا تاپسىرىس بەرۋگە بولادى. ەكىنشى جوبا - جەڭىل ونەركاسىپ سالاسىندا بولماق. قازاقستاندا جاسالعان تاۋارلاردى ساتاتىن «ۋنيۆەرماگ ك ز» اتتى ساۋدا ءۇيىن استانادا جانە قاراعاندىدا عانا ەمەس، وڭىرلىك اۋقىمعا كوشسە دەيمىز. سەلەكتورلىق جيىندا پالاتانىڭ وڭىرلىك وكىلدىكتەرى وسى جوبا جايىندا اقپاراتتاندىرىلدى. ءبىز ەندى وسى جوبانى وڭىرلەردە اشۋ ءۇشىن جەرگىلىكتى اتقارۋشى ورگاندارمەن جۇمىس ىستەپ قانا قويمايمىز، وسى ىسكە جەرگىلىكتى كاسىپكەرلەر دە بەلسەنە ارالاسادى دەپ سانايمىز. «ۋنيۆەرماگ ك ز» جەرگىلىكتى تاۋارلاردىڭ قازاقستان بويىنشا عانا ەمەس، بارلىق ەۋرازيالىق ەكونوميكالىق وداق ەلدەرى ىشىندە دە ەركىن تارالۋىنا جاعداي جاسايتىن قازىرگى زامانعى «جىبەك جولى» ىسپەتتى».

كەلەسى جوبا، ونىڭ سوزىنە قاراعاندا، «بارلىعى راحمەت ءۇشىن» تەگىن تاۋارلار دۇكەندەرىن ەل بويىنشا تاراتۋدى كوزدەيدى.

«ءۇشىنشى جوبا - الەۋمەتتىك. ءبىز سەمەي كاسىپكەرلەرىنىڭ «راحمەت ءۇشىن» اتتى دۇكەننىڭ وڭىرلىك جەلى رەتىندە دامۋىن قولدايمىز. قازاقتا ەرتەدەن بەرى «جىلۋ تارتۋ»، «جىلۋ بەرۋ» دەگەن سالت بولدى. ءبىزدىڭ باسقا وڭىردەگى كاسىپكەرلىك پالاتالارى بۇل باستاماعا قولداۋ بىلدىرۋگە دايىن. جىلۋ تارتۋ دۇكەندەرى قازاقستان بويىنشا كەڭ تارالادى دەپ سانايمىن. وسى ءۇش جوبانى ءبىز بۇگىننەن باستايتىن بولامىز. ناتيجەلەر جارتى جىلدان كەيىن جاريالانادى»، - دەيدى ل. رامازانوۆا.

ايتا كەتەيىك، العاشقى «بارلىعى راحمەت ءۇشىن» اتتى دۇكەن سەمەيدە پايدا بولدى. ساۋدا ورنىندا تۇتىنۋشىلاردان اقشا تولەۋدى قاجەت ەتپەيدى.

سەمەي تۇرعىندارى وزدەرى قالاعان تاۋارىن تەك «راحمەت» دەگەن ءسوزدى ايتىپ، الا بەرەدى. ءبىراق تەگىن زاتتار بارلىعىنا ەمەس، الەۋمەتتىك جاعدايى تومەن، كوپبالالى جانە جەتىم بالالارعا عانا بەرىلەدى.

اۆتور: جاسۇلان جولدىبايەۆ