تاجىكستان باسشىسى ءوز قىزىن پرەزيدەنت اكىمشىلىگىنىڭ باسشىسى ەتىپ تاعايىندادى
«وسىعان دەيىن تاجىكستاننىڭ سىرتقى ىستەر ءمينيسترىنىڭ ءبىرىنشى ورىنباسارى قىزمەتىندە بولعان وزودا راحمون پرەزيدەنت اكىمشىلىگىنىڭ جەتەكشىسى قىزمەتىنە تاعايىندالدى»، - دەلىنگەن حابارلامادا. ول بۇل قىزمەتكە باحتيەر حۋدوەرزودتىڭ ورنىنا كەلدى. ونى سايلاۋ جانە رەفەرەندۋم جونىندەگى ورتالىق كوميسسيانىڭ ءتوراعاسى قىزمەتىنە تاعايىنداۋ تۋرالى ۇسىنىس پارلامەنتتىڭ قاراۋىنا بەرىلدى.
وزودا راحمون 1978 -جىلدىڭ 3 -قاڭتارىندا تاجىكستاندا دۇنيەگە كەلگەن. زاڭگەر، توتەنشە جانە وكىلەتتى ەلشى ديپلوماتيالىق دارەجەسى بار. ول تاجىك، ورىس جانە اعىلشىن تىلدەرىن بىلەدى، تۇرمىسقا شىققان، بەس بالانىڭ اناسى. ونىڭ كۇيەۋى دجامولوددين نۋراليەۆ تاجىكستاننىڭ ۇلتتىق بانكىنىڭ ءتوراعاسىنىڭ ءبىرىنشى ورىنباسارى قىزمەتىندە.
