ءجۇز جىل بۇرىن جازىلعان ەرتەگى تابىلدى
بۇل تۋرالى ت ا س س اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ەكى ءتۇرلى ءومىر يەسى - قارا مارعاۋدىڭ باسىنان كەشكەن وقيعالارى تۋرالى شىعارما العاش رەت قىركۇيەك ايىندا جارىق كورەتىنى بەلگىلى بولدى. جازۋشىنىڭ مۇراعاتتاردا ساقتالعان حاتتارىنا قاراعاندا ەرتەگى اياقتالماعان، دەگەنمەن ونىڭ جۇمىستارىندا 1- دۇنيەجۇزىلىك سوعىستىڭ باستالۋى، تۇرمىسقا شىعۋى جانە دەنساۋلىعىنا بايلانىستى سەبەپتەرمەن ۇزىلىستەر بولسا كەرەك.
سونىمەن قاتار، Penguin Random House Children's (پەنگۋين رەندوم حاۋس چيلدرەنز) باسپا ءۇيىنىڭ وكىلى دجو حەنكس ەرتەگىنى «بەاتريس پوتتەردىڭ ۇزدىك شىعارماسى» دەپ ەسەپتەيدى.
«وندا، باسقا ەرتەگىلەرىنەن الىنعان ايقىن زۇلىمدىق يەلەرى مەن جاعىمدى كەيىپكەرلەر كەزدەسەدى. بارىنەن تاماشاسى ءبىزدىڭ جانىمىزعا جاقىن سوتقار پيتەر پايدا بولادى، تەك ول ەرەسەك تارتقان جانە جايباسارلاۋ»، - دەيدى ول.
1914-جىلى مەكتەپ وقۋشىسىنىڭ ءۇش داپتەرىنە جازىلعان شىعارما بۇرىن لوندوندا ەشقاشان رەداكتسيالانىپ، بولماسا بەزەندىرىلمەگەن ەكەن. ەندى سونىڭ ءساتى كەلگەن سەكىلدى.
اعىلشىن جازۋشىسى روالد دالدىڭ شىعارماسىنا ارنالعان جۇمىسى بويىنشا تانىمال بولعان نورۆەگ تەكتى كۆەنتين بلەيكتىڭ بەزەندىرۋىمەن جارىق كورەتىن بولادى. سۋرەتشى وزىنە بۇيىرعان جاڭا جۇمىستى ۇلكەن ساتتىلىك رەتىندە باعالايتىنىن ايتىپ وتىر.
«ەرتەگى ماعان قاتتى ۇنادى جانە ول وسى ۋاقىتقا دەيىن مەنى عانا توسىپ وتىرعان سەكىلدى سەزىمدە بولدىم»، - دەپ اعىنان جارىلدى.
