12:46, 27 - قاڭتار 2016 | GMT +5
توكيودا الەمدەگى ەڭ جىلدام ماگنيتتىك توسەمدى پويىزدار ءۇشىن العاشقى ستانسا سالۋدى باستادى
استانا. قازاقپارات - جاپون استاناسىندا 2027-جىلى توكيو مەن ناگويانى بايلانىستىراتىن ۇزىندىعى 280 شاقىرىم ماگنيتتىك توسەمدى پويىزدار تارماعىنا ارنالعان ەلدەگى العاشقى ستانسا قۇرىلىسىن باستادى.
قۇرىلىس كۇردەلى جاعدايدا وتەدى - ونى سالۋ 40 مەتر تەرەڭدىكتە «سينگاۆا» ءىرى كولىك تورابى اۋدانىندا جۇرگىزىلمەك. پلاتفورما ۇزىندىعى 450 مەتردەن اسادى. ءارى، ناگويادا ستانسا قۇرىلىسى باستالعان جوق، بۇل ماسەلە جونىندە ازىرگە ۋاعدالاستىق جوق، الايدا JR Tokai كومپانياسى كەلىسىم ۇدەرىسىن جەدەلدەتۋگە ۋادە بەرۋدە، دەپ جازدى ت ا س س.
وتكەن جىلدىڭ سوڭىندا جاپونياداعى العاشقى توكيو-ناگويا ماگنيتتىك توسەمدى تەمىر جولىن بايلانىساتىن ياماناسيدىڭ پرەفەكتۋراسى اۋماعىندا - جاپون ءالپىسى اتالاتىن 25 شاقىرىمدىق كۇردەلى ۋچاسكەدە توننەل سالۋ باستالدى. كۇردەلىلىگى مەن كونسترۋكتسيالىق ەرەكشەلىكتەرىنە وراي قۇرىلىس 2025-جىلعا دەيىن جالعاسادى. ونىڭ ۋچاسكەسىنىڭ ءبىرى 1,4 شاقىرىم تەرەڭدىكتە وتەدى.
