پاكتىگى بار وقۋشى قىزدارعا اقى تولەنەدى

استانا. قازاقپارات - و ا ر- داعى كۆازۋلۋ-ناتال پروۆينتسياسى ۋتحۋكەلا اۋدانىنىڭ ءمەرى دادۋ مازيبۋكو پاكتىكتەرى ساقتالعان 16 جاستاعى قىزدارعا شاكىرتاقى تاعايىندادى.

بۇل تۋرالى New York Post گازەتى دەرەگىنە سۇيەنگەن ras.kz حابارلادى.

«ءبىز وزدەرىنىڭ پاكتىكتەرىن ساقتاپ قالعان جانە سودان كەيىنگى ءۇش جىلعا دەيىن سونداي تۇرمىس سالتىن ۇستاناتىن قىزدارعا وسىلاي العىسىمىزدى بىلدىرەمىز. ولارعا وقۋلارىن بىتىرگەندەرى جونىندە سەرتيفيكات العاندارىنا دەيىن وسىلاي ەتەمىز»، - دەدى مازيبۋكو.

شەنەۋنىك ايەلدىڭ ايتۋىنشا، شاكىرتاقى العىلارى كەلەتىن جاس قىزدار مەزگىل-مەزگىل دارىگەرگە تەكسەرىلىپ تۇرۋعا كەلىسىم بىلدىرەتىن قۇجاتقا قول قويۋلارى ءتيىس.

باستاماعا قولداۋ بىلدىرگەن قوعام قايراتكەرلەرى مۇنىڭ حالىقتىڭ ءداستۇرلى سالت-ساناسىن ساقتاپ قالۋعا جاقسى كومەك بەرەتىنىن جانە قىزداردى سەكسۋالدىق جاعىنان دۇرىس تاربيەلەۋگە اسەر ەتەتىنىن ايتادى. مۇنىڭ سونداي-اق ءارتۇرلى جۇقپالى جىنىس اۋرۋلارىنان ساق بولۋعا دا پايداسى بار.