ىستامبۇلدا قازاقستاننىڭ زاماناۋي سۋرەتشىلەرىنىڭ تۋىندىلارى كوپشىلىك نازارىنا ۇسىنىلدى
كورمەنىڭ اشىلۋ سالتاناتىنا توتەنشە جانە وكىلەتتى ەلشى جانسەيىت تۇيمەبايەۆ، ىستامبۇل پروۆينتسياسى گۋبەرناتورىنىڭ ورىنباسارى ىسمايىل گۇلتەكين، ىستامبۇل قالاسى مەرياسىنىڭ حالىقارالىق دەپارتامەنتىنىڭ باسشىسى سەلامەتتين ەرميش، قالالىق اكىمشىلىك مادەنيەت دەپارتامەنتىنىڭ باسشىسى ابدراحمان شەن، سونداي-اق، تۇرىك ىسكەرلەر، اكادەميكالىق جانە قوعامدىك توپ وكىلدەرى، اتاقتى مادەنيەت قايراتكەرلەرى، ىستامبۇلدا ءبىلىم الىپ جاتقان قازاق جاستارى مەن شەتەلدىك ستۋدەنتتەر، قازاق دياسپورا جانە جەرگىلىكتى ب ا ق وكىلدەرى قاتىستى.
سۋرەت ونەرىن قادىرلەۋشىلەرىنىڭ نازارىنا ءارتۇرلى جانرلار مەن باعىتتاردا ورىندالعان زاماناۋي قازاقستاندىق سۋرەتشىلەرىنىڭ جۇمىستارى ۇسىنىلدى.
ىستامبۇل گۋبەرناتورىنىڭ ورىنباسارى ي. گۇلتەكين ەكى ەلدى جاقىنداستىراتىن قازاقستان مەن تۇركيا اراسىنداعى مادەني-گۋمانيتارلىق بايلانىستارىنىڭ دامۋىنىڭ ماڭىزدىلىعىن اتادى.
«قازاقستانداعى زاماناۋي ونەرىنىڭ دامۋ قارقىنىنا قارايتىن بولساق، قازاقستاننىڭ ءوز تاۋەلسىزدىگىنىڭ 25 جىلدىق مەرەيتويىندا كوپتەگەن سالالار بويىنشا جەتىستىكتەرگە قولجەتكىزە العاندىعىن كورە الامىز»، - دەدى ي. گۇلتەكين.
«Has Sanat» ونەر گالەرەياسىنىڭ ديرەكتورى جانات ەڭسەبايەۆا كورمەنىڭ 2006-جىلى ماسكەۋدە باستاۋ العان حالىقارالىق «التىن عاسىر» جوباسىنىڭ جالعاسى ەكەندىگىن ايتتى. سودان بەرى قازاقستاندىق سۋرەتشىلەرىنىڭ سۋرەتتەرى كوپتەگەن ەلدەر مەن قالالاردا كورمەگە شىعارىلدى: ۆارشاۆا، ۆروتسلاۆ، بەرلين، شتۋتگارد، ميۋنحەن، فرانكفۋرت، امستەردام، گااگا، ۆەنا، بريۋسسەل، انكارا. كورمەلەردىڭ ماقساتى - شەتەل مەملەكەتتەرىنىڭ تۇرعىندارىن قازاقستاننىڭ ونەرى مەن مادەنيەتىمەن تانىستىرۋ بولىپ تابىلادى. بۇگىنگە دەيىن گالەرەيا 150 دەن استام ءىرى كورمە ۇيىمداستىردى.
