08:32, 27 - قاڭتار 2016 | GMT +5
ەرلەر عانا كىرەتىن عيباداتحانانى ايەلدەر «باسىپ الماق» بولدى
استانا. قازاقپارات - ءۇندىستاننىڭ ماحاراشترا شتاتىنىڭ پوليتسياسى نانىم بويىنشا تەك ەرلەر عانا كىرۋگە رۇقسات ەتىلگەن عيباداتحاناعا باسىپ كىرمەك بولعان ءبىر توپ ايەلدىڭ جولىنا توسقاۋىل جاسادى، دەپ حابارلايدى BBC اگەنتتىگى.
اتالعان توپ وزدەرىن «جەر انانىڭ جاۋىنگەر ايەلدەرى» دەپ اتايدى. ولار بۇعان دەيىن اتالمىش يندۋيستىك عيباداتحانانىڭ ىشىنە كىرەمىز دەپ مالىمدەگەن.
ءبىر توپ ايەل شىركەۋگە جاياۋ كەلىپ كىرمەك بولعان، الايدا پوليتسيا كەدەرگى جاساسا قاجەت بولار دەپ، الدىن الا تىكۇشاق جالداپ الىپتى. ولار توبەسى اشىق، سىرتى قورشاۋ قابىرعالى شىركەۋدىڭ ۇستىنەن ۇشىپ كەلىپ ارقان باسپالداقپەن ىشكە ءتۇسۋدى جوسپارلاعان.
ءدىني عيماراتتىڭ ىشىندە جەرگىلىكتى تۇرعىندار قاسيەتتى سانايتىن تاس ورناتىلعان.
قارسىلىق شاراسىنا مىڭعا جۋىق ايەلدەر قاتىسقان، دەپ مالىمدەدى ۇيىمداستىرۋشىلار. الايدا ولاردىڭ جوسپارى ىسكە اسپادى. ويتكەنى عيباداتحانانى 600 پوليتسەي قورشاپ تۇرعان.
