07:17, 27 - قاڭتار 2016 | GMT +5
رۋمىنيا بيلىگى كىتاپ جازعان قىلمىسكەرلەردىڭ جازا مەرزىمىن قىسقارتادى
استانا. قازاقپارات - اباقتىدا وتىرعان رۋمىنيالىق قىلمىسكەرلەر جاپپاي عىلىمي ەڭبەكتەر جازىپ ءجۇر. ءار جازعان كىتابى ءۇشىن ولاردىڭ جازا مەرزىمىن 30 كۇنگە قىسقارتادى، دەپ جازادى 24.kz.
بىلتىر رۋمىنيالىق تۇتقىندار 340 تان اسا عىلىمي ەڭبەك جاريالاعان. بۇل 2014-جىلمەن سالىستىرعاندا 4 ەسەگە ارتىق. قىلمىسكەرلەردىڭ وسىنداي عىلىمعا قۇمارلىق تانىتقانى پروكۋرورلاردى دا قىزىقتىرعان.
سوڭعى بىرنەشە ايدا ەلدە پاراقورلىقپەن كۇرەس كۇشەيىپ، كوپتەگەن جوعارى لاۋازىمدى ساياساتكەرلەر مەن كاسىپكەرلەر تۇرمەگە توعىتىلعان بولاتىن. ايتسە دە ولاردىڭ اقشا تولەپ، ءوز اتىنان وزگەگە كىتاپ جازدىرۋعا دا مۇمكىندىكتەرى بار. ەندى پروكۋرورلار تۇتقىندا وتىرعانداردىڭ شىعارمالارىن، عىلىمي جەتەكشىلىك ەتكەن ۋنيۆەرسيتەت ۇستازدارىن تەكسەرۋگە كىرىستى.
