قازاقستانداعى اقبوكەندەرگە كوكتەمگى ساناق جۇرگىزىلەدى
بۇل تۋرالى بۇگىن اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار الەمى كوميتەتىنىڭ وتىرىسىندا كوميتەت ءتوراعاسىنىڭ مىندەتىن اتقارۋشى قايرات ۇستەمىروۆ ءمالىم ەتتى.
«2015 -جىلدىڭ باسىندا قازاقستاندا بارلىعى 295 مىڭ اقبوكەن بار ەدى. الايدا، وكىنىشكە وراي، بەتپاقدالادا اقبوكەندەر جاپپاي قىرىلدى. ەندى، ءتىرى قالعان جانە كوبەيگەن اقبوكەندەردىڭ سانى 2016 -جىلدىڭ كوكتەمگى ساناعىندا بەلگىلى بولادى. قازىر اقبوكەندەر قازاقستاننىڭ ءۇش دالاسىن؛ بەتپاقدالانى، ورال مەن ءۇستىرتتى مەكەندەيدى. ياعني، اقبوكەندەردىڭ مەكەندەيىن جەرلەرى 10 وبلىستىڭ اۋماعىندا جاتىر. 2000 -جىلدان بەرى اقبوكەندەر مەكەندەيتىن اۋماق ءۇش ەسەگە كوبەيگەن»، - دەپ ءتۇسىندىردى ق. ۇستەمىروۆ.
ونىڭ ايتۋىنشا، اقبوكەندەردىڭ جاپپاي قىرىلۋى ولاردىڭ مەكەندەيتىن جەرلەرىن وزگەرتكەن جوق. «تەك ولاردىڭ سانى ازايدى. ونىڭ ۇستىنە، اقبوكەندەر مەكەن ەتەتىن اۋماق كەڭەيگەن سايىن، شاعىن ۇيىرلەرگە بولىنە باستاعان. مىسالى، بۇرىن بىرەن- ساران اقبوكەنى بار نەمەسە ءتىپتى اقبوكەن كەزدەسپەيتىن جامبىل وبلىسى مەن وقو اۋماعىندا اقبوكەندەردىڭ مىڭ باسى كەزدەسەدى»، - دەپ ءتۇسىندىردى ول.
ەستەرىڭىزگە سالا كەتەيىك، 2015 -جىلدىڭ مامىرىندا قازاقستاندا اقبوكەندەردىڭ جاپپاي قىرىلۋ فاكتىسى تىركەلىپ، وقيعا سالدارىنان 300 مىڭ باس سايعاق قىرىلىپ قالعان ەدى.
اۆتور: كەنجەكەي توقتامۇرات قىزى
