شىمكەنتتە بالاباقشا مەڭگەرۋشىسى جاعدايى تومەن وتباسىنىڭ بالالارىن تەگىن تاربيەلەۋدە
سۋرەت kazakhstanzaman.kz گازەتىنەن الىندى.
بۇل تۋرالى وتىرار حابارلايدى.
جاڭا باستاماعا مۇرىندىق بولعان باقشا مەڭگەرۋشىسى وسىلايشا تىرشىلىگى تۇرالاعان اۋىلعا قولعابىس جاساعىسى كەلگەنىن ايتادى.
تاقىلداپ تاقپاق ايتاتىن 4 جاسار لاشىننىڭ سۋرەت سالۋعا دا قابىلەتى بار. ىدىس-اياق، اس ءۇي جابدىقتارىمەن ويناۋعا دا ۋاقىت تابادى. تۇرمىسى تومەن وتباسىنان شىققان ءبۇلدىرشىن ءبىر ايدان بەرى باقشادا تەگىن تاربيەلەنۋدە.
وسىدان التى جىل بۇرىن 50 ورىنعا شاقتالىپ سالىنعان بالاباقشادا بۇگىندە 75 بالا بار. اۋىلداعى جالعىز مەكتەپكە دەيىنگى نىساندا 8 ءبۇلدىرشىن قازىر تەگىن تاربيەلەنىپ جاتىر. بۇلدىرشىندەردىڭ دۇرىس دامىپ-جەتىلۋىن باقىلايتىن 7 تاربيەشى جۇمىس ىستەيدى. شاعىن ورتالىقتا بالالارعا بار جاعداي جاسالعان.
وندىرىستەن كەندە قالعان اقتوبەدەگى جۇرتشىلىقتىڭ دەنى ەگىنشىلىكپەن اينالىسادى. تۇرمىسى تومەن اۋىلدىقتاردىڭ اراسىندا بالالارىن بالاباقشاعا بەرۋگە جاعدايى كەلە بەرمەيتىندەرى بارشىلىق. سوندىقتان جەردەن نەسىبەسىن اجىراتىپ وتىرعان اعايىنعا بالا تاربيەسىمەن اينالىساتىن ورتالىقتار اۋاداي قاجەت.
