عالىمدار: مۇزدىقتاردىڭ ەرۋى سالدارىنان الەمدىك مۇحيت دەڭگەيى ءبىز ويلاعاننان دا جىلدام كوتەرىلىپ كەلەدى

الەمدەگى ارالداردىڭ ءىرى مۇز جامىلعىسىنىڭ قالىپتاسۋىن زەردەلەۋشى دانيا، گرەنلانديا گەولوگيالىق بارلاۋ قىزمەتىنىڭ قىزمەتكەرلەرى وسىنداي تۇجىرىم جاسادى. عالىمدار 2009-2010-جىلعى جازعى ىستىق كەزەڭدە قار قالىڭدىعى مەن مۇز قابىرشاعى مۇحيتقا قۇيىلاتىن اعىن سۋدى ۇستاپ تۇراتىن قابىلەتىن جوعالتقان. بۇل بۇرىن ەسكەرىلمەگەن جاعداي، ياعني، ادامزات بولجاعاننان بۇرىن كليماتتىڭ جىلىنا باستايتىنىن بىلدىرەدى.

 Videnskab.dk اتتى داتتىق عىلىمي ينتەرنەت پورتالىنا بەرگەن سۇحباتىندا زەرتتەۋگە قاتىسقان پروفەسسور دجەيسون بوكس بىرنەشە انوماليالىق جىلى ماۋسىمداردان كەيىن قار قاباتىنىڭ بەتىنە كوپ سۋ جينالىپ، تىعىز مۇزدى قابىرشىق قالىپتاستىراتىنىن ايتتى. بۇل كەيىننەن اعىن سۋدىڭ تەرەڭگە اعۋىنا كەدەرگى كەلتىرىپ، قاتۋىنا ىقپال ەتەدى. سۋدى ۇستايتىن قاباتتىڭ قالىڭدىعى گرەنلانديانىڭ كەي اۋداندارىندا 40 مەترگە جەتسە، ول ەندى 3 مەترگە دەيىن جۇقارعان.

ءارى، عالىمدار ازىرگە بۇل قۇبىلىستىڭ قانشالىقتى تارالعانىن انىق بىلمەيدى. گلياتسيولوگ ديركا ۆان اسانىڭ ايتۋىنشا، گرەنلاندياداعى مۇز جامىلعىسى قۇرىلىمىنىڭ وزگەرۋى - كليماتتىڭ جاھاندىق جىلىنۋىنىڭ تىكەلەي سالدارى. عالىمدار ونى قالپىنا كەلتىرۋ بىرنەشە جىلداردى قامتيتىنىن اتاپ وتەدى. بۇل ارالداردا جازعى اۋا رايى اسا جوعارى بولماعان كەزدە قولعا الىنۋى ءتيىس. بۇل تۋرالى ماقالا Nature جۋرنالىنىڭ سوڭعى نومىرىندە جاريالاندى.