عالىمدار: شەت ءتىلىن ۇيرەنۋگە بەيىمدىلىك مي بولىكتەرىنىڭ ەرەكشەلىگىنە بايلانىستى

عالىمدار مۇنىڭ سىرىن اشۋعا تىرىستى. ءتىل ۇيرەنۋ قابىلەتى ميدىڭ ءتۇرلى بولىكتەرىنىڭ بايلانىسىنا تىكەلەي بايلانىستى ەكەن.

McGill University ماماندارى ون بەس اعىلشىن ءتىلدى ادامعا 12 اپتا ىشىندە فرانسۋز ءتىلىن ۇيرەنۋدى ۇسىندى.

عالىمدار سىناققا قاتىسۋشىلاردىڭ ميىن ەكسپەريمەنتتىڭ باسىنان اياعىنا دەيىن م ر ت ارقىلى باقىلادى.

سول جارتى شارىمەن (AI / FO) بايلانىسى كۇشتىلەر فرانسۋز ءتىلىن جىلدام ۇيرەنگەن. ال ءسوز قۇراستىرۋعا جاۋاپ بەرەتىن مي بولىگىمەن (VWFA) بايلانىسى كۇشتىلەر وقۋ جىلدامدىعى جاعىنان ۇزدىك كورىنگەن.

ماماندار بۇل ماسەلە اياعىنا دەيىن زەردەلەنبەگەنىن، الايدا ەكسپەريمەنت شەت ءتىلىن ۇيرەنۋشىلەرگە باعدارلاما جاساعان كەزدە سەپتىگى تيەتىنىن مالىمدەدى.