ءانشى بۇركىت ەكىنشى ۇلىنا ساحابانىڭ ەسىمىن قويدى
استانا. قازاقپارات - ءانشى بۇركىت جاقىندا ومىرگە كەلگەن سابيىنە ومار دەپ ات قويدى، - دەپ حابارلايدى Baistars.kz.
بۇل تۋرالى ءانشى ءوزىنىڭ Instagram الەۋمەتتىك جەلىسىندەگى جەكە پاراقشاسىندا مالىمدەدى. بۇل ەسىمدى ءانشىنىڭ اكەسى تاڭداپتى.
«ال، قۇرمەتتى اعايىن، دوستار، جەرلەستەر! اتاسى ازان شاقىرىپ، نەمەرەسىنىڭ ەسىمىن ومار دەپ قويدى. ەكىنشى ۇلىمنىڭ ەسىمى ومار بەكجىگىت. اللا رازى بولسىن! دەنى ساۋ ۇلكەن ازامات بولىپ ءوسسىن. ەلىنىڭ سۇيىكتى ۇلى بولسىن! اتسالىسقان دوستارعا ۇلكەن العىسىم! سىزدەر باردا ءبىز باقىتتىمىز، حالقىم»، - دەپ جازدى ءانشى Instagram-داعى پاراقشاسىندا.
ەسكە سالايىق، وسىدان بىرنەشە كۇن بۇرىن ءانشى بۇركىت پەن ونىڭ جۇبايى ايشا ەكىنشى رەت ۇلدى بولدى. جۇپتىڭ بۇدان وزگە زەيىن ەسىمدى ۇلدارى بار.
