قىتايداعى حالىقارالىق سۇلۋلىق بايقاۋىنداعى جانجال
استانا. قازاقپارات - قىتايدا حالىقارالىق سۇلۋلىق بايقاۋىنداعى جانجالعا ۋفالىق بويجەتكەننىڭ ارەكەتى سەبەپ بولعان. وندا ۋفا قالاسىنىڭ ستۋدەنتى رەسەيدىڭ ورنىنا قازاقستاننىڭ نامىسىن قورعاۋدا، دەپ حابارلايدى باشقۇرت سپۋتنيكتىك تەلەارناسى.
بۇل جاڭالىق ۋفالىق ستۋدەنتكە جانكۇيەر بولعانداردىڭ بارلىعىن ەسەڭگىرەتتى. مودەلدىك اگەنتتىكتەر بولىپ جاتقان وقيعاعا بايلانىستى ءوز نۇسقالارىن جارىسا جازۋدا. ال باشقۇرتستاننىڭ ستۋدەنتتىك حانشايىمى بولسا، عالامتورعا كەزەكتى سۋرەتتەرىن سالىپ جاتىر.
اسپان استى ەلىنە ساپار الدىنداعى فوتوسەسسيا. ءجۇز ادامنىڭ ىشىنەن تاڭدالعان بويجەتكەندەردىڭ اراسىنداعى ناستيا ياكوۆليەۆا مەن ەۆا چاشينسكايا قىتايدا باشقۇرتستاننىڭ اتىنان ونەر كورسەتۋى ءتيىس ەدى. «الەم ۋنيۆەرسيتەتى حانشايىمى» - فەشن- يندۋسترياداعى ەڭ بەدەلدى اتالىمداردىڭ ءبىرى. بيىل ول 27- رەت وتكىزىلىپ جاتىر. اقتىق كەزەڭگە ۇزدىك اتالعان 70 بويجەتكەن جولداما الدى. ولاردىڭ ءارقايسىسى ايماقتىق كەزەڭدەردە جەڭىسكە جەتكەن.
