قىتايدا بيولوگتار باستى اۋىستىرۋ وپەراتسياسىن ءساتتى جاسادى - كەسكىن
عالىمدار ەگەۋقۇيرىقتان الىنعان جۇلىنىندى ءساتتى ءوسىرىپ، بۇل ءادىستىڭ ءبىر بولىگىن مايمىلعا پايدالانىپ كوردى، - دەپ حابارلايدى ر ي ا نوۆوستي Surgery جانە CNS Neuroscience & Therapeutics باسىلىمدارىندا جاريالانعان بايانداماعا سىلتەمە جاساپ.
كاناۆەرو مەن ونىڭ ۇجىمداستارى ەگەۋقۇيرىقتىڭ جۇلىنىن باعانالىق جاسۋشامەن ءوسىرۋ ارقىلى وپەراتسيانىڭ نەگىزگى باستاماسىن جاسادى.
بۇل ءۇشىن عالىمدار جۇيكە تالشىقتارىن ءبىر-بىرىمەن بايلانىستىرۋعا كومەكتەسەتىن پوليەتيلەنگليكول ورگانيكالىق زاتتەگىن، سونىمەن قاتار، جۇلىننىڭ الىنعان ورنىن قايتادان دامىتاتىن ءادىستى پايدالاندى.
عالىمداردىڭ ايتۋىنشا، ومىرتقاسىنا زاقىم كەلسە دە، وسى ءادىس پايدالانىلعاننان كەيىن جانۋارلار قايتادان ءجۇرىپ كەتكەن. ايتا كەتەيىك، بۇل وپەراتسيالاردىڭ بارلىعى قىتايدا جاسالدى.
ماماندار مايمىلداردا ميدى اۋىستىرۋ كەزىندە مي فۋنكتسياسىنىڭ تولىقتاي ساقتالعانىن دا ايتتى. وسىلايشا، ميدى اۋىستىرۋ وپەراتسياسىندا جانۋارلارعا ەشقانداي زاقىم كەلمەدى جانە ولاردىڭ ميى جاڭا دەنەگە اۋىستىرىلعاندا وزگەرىسكە ۇشىرامادى. عالىمدار الەمدەگى ەڭ العاشقى ترانسپلانتاتسيا كەستە بويىنشا 2017-جىلدىڭ جەلتوقسانىندا وتكىزىلەتىنىن ايتىپ وتىر.
ەسكە سالا كەتەيىك، باستى اۋىستىرۋعا ءبىرىنشى بولىپ رەسەيلىك باعدارلاماشى ۆالەري سپيريدونوۆ كەلىسىم بەرگەن بولاتىن. وپەراتسيانى جاسايتىن كانيەۆەرو باستى ترانسپلانتاتسيالاۋ ءۇشىن كوپتەگەن حاتتار الىپ جاتقانىن ايتتى. ءبىراق دارىگەر ەمدەلۋشىنى تەك جۇلىن بۇلشىق ەت اتروفوبياسىنان زارداپ شەككەندەردىڭ ىشىنەن عانا تاڭدايتىنىن مالىمدەدى. دونوردى باس ميىنان ەمدەلمەيتىن جاراقات العاندار نەمەسە ءولىم جازاسىنا كەسىلگەندەردىڭ ىشىنەن تاڭدايدى ەكەن.
tengrinews.kz
