حريستيان جىگىتى مەشىت قابىرعالارىنا قۇران اياتتارىن جازۋمەن اينالىسادى

 مۇسىلمان دوستارى مەن كورشىلەرىنىڭ كوزىندەگى قۋانىش وتى مەن كۇلىمسىرەگەن جۇزدەرى مەنى باقىتتى ەتە تۇسەدى دەيدى ول.

ول كالليگرافيا ونەرىمەن اسكەردە جۇرگەن كەزىندە تانىسقان كورىنەدى. اسكەري بورىشىن وتەۋگە بارعان ول قۇجاتتار دايىندايتىن ارنايى بولىمشە قاتارىنا قابىلدانادى. وسى جەردە ول اراب كالليگرافياسىنىڭ كوپتەگەن تۇرلەرىمەن تانىسىپ، ءوزىن جەتىلدىرە تۇسەدى. اسكەردەن ورالعاسىن ول وسى سالادا جۇمىس ىستەي باستايدى. ارينە، دىندەستەرىمنىڭ تاراپىمنان ءالى كۇنگە دەيىن قارسىلىقتار كەزدەسىپ جاتادى دەيدى ول.

«بىردە يسلام ءدىنىن ۇستاناتىن دوسىم جاڭا سالىنعان مەشىت قابىرعاسىنا اللا تاعالانىڭ 99 ەسىمىن جازىپ بەرۋىمدى ءوتىندى. مەن بۇعان باسقا مۇسىلمانداردىڭ قالاي قارايتىنىن ويلاپ ۋايىمدادىم. دەگەنمەن، دوسىم مەنى كوندىردى، - دەپ ەسكە الادى ول ءوزىنىڭ العاشقى مەشىت بەزەندىرۋ جۇمىسىن. - وسىلايشا، مەن ەڭ ءبىرىنشى رەت سەيف ناسر مەشىتىنىڭ سىرتىنا اللانىڭ 99 ەسىمىن جازىپ شىقتىم. مەن مەشىت ادەبىنىڭ بارلىعىن ساقتادىم. اياق كيىمىمدى شەشىپ كىردىم. قاتتى سويلەمەۋگە تىرىستىم. مەشىتكە قۇرمەت كورسەتۋىمىز كەرەك! ويتكەنى، ول - اللانىڭ ءۇيى» .

ول ءوز جۇمىسىن اياقتاپ بولعاسىن ەشقانداي اقى سۇراماعانىن ايتادى. «الايدا، مەشىتتىڭ ءىس باسقارۋشىسى ماعان اقى تولەۋگە ءتيىستى ەكەنىن ايتىپ تۇرىپ الدى. مەن كەلىستىم. ءبىراق قانشا تولەيتىندەرى، ءتىپتى، قىزىقتىرمادى. سول ساتتە مەن العاش رەت مەشىتتى بەزەندىرگەنىم ءۇشىن ءوزىمدى ەرەكشە باقىتتى سەزىنىپ تۇرعان ەدىم» ، - دەيدى يۋسەف.

سودان بەرى ول 15 قۇلشىلىق ورداسىن بەزەندىرگەن ەكەن. جاماعات جيناعان اقشاعا سالىنعان مەشىتتى تەگىن كوركەمدەپ بەرەمىن، ال مەملەكەتتىك قارجىعا سالىنعان قۇلشىلىق وردالارىن بەزەندىرگەنىم ءۇشىن قانشا بەرسە، سونشا الامىن دەيدى.

muslim.kz