الماتىدا بەلگىلى تاريحشى عالىم جاراس يبراشيەۆ قايتىس بولدى

 بۇل اقپاراتتى اتالمىش جوعارى وقۋ ورنىنىڭ باسپا ءسوز قىزمەتى راستادى. كەشە مارقۇمدى اقتىق ساپارعا شىعارىپ سالۋ ءراسىمى بولىپ ءوتتى.

يبراشيەۆ جاراس ومار ۇلى 1928 - جىلى 10 - تامىزدا باتىس قازاقستان وبلىسىندا تۋعان. 1950 - جىلى س. كيروۆ اتىنداعى قازاق مەملەكەتتىك ۋنيۆەرسيتەتىنىڭ تاريح فاكۋلتەتىن ءتامامداپ، ەڭبەك جولىن وسىندا جالپىعا بىردەي تاريح كافەدراسىنىڭ اسسيستەنتى بولىپ باستاعان. ودان كەيىن 1954-1957 -جىلدارى الماتى قالالىق كومسومول كوميتەتىنىڭ ەكىنشى حاتشىسى، قازۇۋ- دا كومسومول كوميتەتىنىڭ حاتشىسى قىزمەتىن اتقاردى. 1958 -جىلى اعا وقىتۋشى بولدى. 1987-2000 -جىلدارى كافەدرا مەڭگەرۋشىسى قىزمەتىن اتقاردى.

جاراس يبراشيەۆ 100 دەن اسا عىلىمي ەڭبەكتىڭ، ونىڭ ىشىندە 5 مونوگرافيانىڭ اۆتورى. ول كورنەكتى عالىم بولا تۇرىپ، حالىقارالىق قاتىناستار، ەۋروپالىق ينتەگراتسيا ماسەلەلەرى بويىنشا عىلىمي زەرتتەۋلەرمەن تىنباي اينالىستى. ونىڭ عىلىمي ەڭبەكتەرى جاھاندانۋ مەن ينتەگراتسيا ماسەلەلەرىنە، ۇجىمدىق جانە كوپقىرلى ديپلوماتيا، ەۋروپالىق ينتەگراتسيانىڭ ءارتۇرلى اسپەكتىلەرىنە ارنالدى.

ول 1992 -جىلى ءال- فارابي اتىنداعى قازاق ۇلتتىق ۋنيۆەرسيتەتىنىڭ تاريح فاكۋلتەتى شەڭبەرىندە تۇڭعىش رەت حالىقارالىق قاتىناستار جانە قازاقستان رەسپۋبليكاسىنىڭ سىرتقى ساياساتى كافەدراسىنىڭ نەگىزىن قالادى. ال كەيىن، كوپ ۇزاماي 1995 - جىلى وسى ۋنيۆەرسيتەتتە حالىقارالىق قاتىناستار فاكۋلتەتىن قۇردى.

 يبراشيەۆ جاراس ومار ۇلى 35 عىلىم كانديداتى مەن 10 عىلىم دوكتورىن دايىنداعان ۇستاز.

اۆتور: جاپپاربەرگەن ايبوتا