الماتىدا «ءماۋلىت» مەرەكەسىنە ارنالعان رۋحاني كەش وتكىزىلەدى
قازاقستان مۇسىلماندارى ءدىني باسقارماسى باسپا ءسوز قىزمەتىنىڭ حابارلاۋىنشا، بۇل ءىس- شارانى وتكىزۋدەگى باستى ماقسات - جاستاردىڭ ءدىني كوزقاراسىن ءداستۇرلى ءدىنىمىزدىڭ تالاپتارىمەن، ادەت- عۇرپىمىزدىڭ قۇندىلىقتارىمەن، ۇلتتىق بولمىسىمىزبەن ۇشتاستىرىپ، يماندى، زيالى، زايىرلى، قوعام قۇرۋعا ۇلەس قوسۋ.
شاراعا قازاقستان مۇسىلماندارى ءدىني باسقارماسىنىڭ ءتورعاسى، باس ءمۇفتي ەرجان قاجى مالعاجى ۇلى، الماتى قالاسىنىڭ اكىمى باۋىرجان بايبەك، سونداي-اق زيالى قاۋىم وكىلدەرى مەن ءدىن قىزمەتكەرلەرى قاتىسادى دەپ كۇتىلۋدە.
مەرەكەلىك شارادا ەلگە تانىمال انشىلەر رۋحاني ءتالىمدى اندەر ورىنداپ، ونەر جۇلدىزدارى تاعىلىمدى قويىلىمدار كورسەتەدى. سوندىقتان ايتۋلى ءىس- شاراعا ءدىن مەن ءداستۇرىمىزدىڭ جاناشىر ازاماتتارى - بەكجان تۇرىس، توقتار سەرىكوۆ، سايات مەدەۋوۆ، ەركىن نۇرجانوۆ سىندى انشىلەر مەن «جىگىتتەر» كۆارتەتى جانە «ونەر قىراندارى» تەاترى ونەر كورسەتەدى.
ايتا كەتەلىك، ءماۋلىت ايى - ەكى دۇنيەنىڭ ساردارى پايعامبارىمىز مۇحاممەد (س. ع. س. ) - نىڭ دۇنيەگە كەلگەن ايى. ءماۋلىت ايىن مەرەكەلەۋ ارقىلى پايعامبارىمىزدىڭ (س. ع. س. ) ونەگەلەرىن بولاشاق ۇرپاققا ناسيحاتتاپ، يسلام ءدىنىنىڭ قادىر-قاسيەتىن تۇسىندىرۋدە ماڭىزى زور.
اۆتور: جاپپاربەرگەن ايبوتا
