قيالي قىز قايتىس بولعان جىگىتىنە تۇرمىسقا شىقتى

بۇل تۋرالى The Sun باسىلىمىنا سىلتەمە جاساپ ras.kz حابارلايدى.

مۇنى قالىڭ جۇرتشىلىققا نان تحيپپحارات ەسىمدى قىز وسى ساتتەردەن تۇسىرىلگەن راسىمدەرىن ءوزىنىڭ Facebook الەۋمەتتىك جەلىسىندەگى پاراقشاسىنا جاريالاپ، سوڭىنا مۇنى «ءوز ومىرىندەگى ەڭ باقىتتى وقيعا» دەپ باعالاپ جازۋى ارقىلى جەتكىزدى. ءبىراق الەۋمەتتىك جەلىنى پايدالانۋشىلاردىڭ بارلىعى بىردەي قيالي قىزدىڭ بۇل «قۋانىشىنا ورتاقتاستىق» بىلدىرە قويعان جوق.

«قالىڭدىقتىڭ» ايتۋىنا قاراعاندا، نەكەگە تۇرۋ ءساتى «ءوز ومىرىندەگى بارلىق سۇيىسپەنشىلىگى» اسەرىمەن وتكەن، «جاس جۇبايلاردىڭ» ماڭگى بىرگە بولۋلارىنا ءولىمنىڭ ءوزى كەدەرگى كەلتىرە الماعان. سونىمەن بىرگە، «جاس قالىڭدىق» وزدەرىنىڭ بۇل وزگەشە «ۇيلەنۋ تويلارىنا» بەرگەن باعانى: «مەن وسى ۇيلەنۋ تويىن قاتتى ارماندادىم. ءبىز ەكەۋمىزدىڭ قول ۇستاسىپ كەلە جاتقانىمىزدى تالاي رەت كوز الدىما كەلتىرىپ كوردىم. ەندى الاڭسىز دامىلداپ جات. مەن سەنى سۇيەمىن، فيات. ءبىزدىڭ ارمانىمىز وسىلاي ورىندالعانىن ءبىلىپ ءجۇر»، - دەپ بىلدىرەدى.

فيات ەسىمدى جاس جىگىتتىڭ كەنەتتەن بولعان ءولىمى ونىڭ بارلىق تۋعان-تۋىستارى مەن جاقىندارى ءۇشىن ناعىز اۋىر سوققى بولدى. سەبەبى، ول ەشقانداي اۋرۋمەن اۋىرمايتىن ەدى. الايدا، جاس جىگىت اياق استىنان بولعان جۇرەك تالماسىنان كەتىپ قالدى.

«بۇل مەنىڭ وسى ومىردەگى جاساعان تىرلىگىمنىڭ ءبىر ءتاسىلى ەدى. ال كەلەشەكتە ماڭگى بىرگە بولاتىنىمىزعا سەنەمىن. مەن ونى جۇرەگىممەن ءسۇيدىم، سوندىقتان ونى مەنەن الىپ كەتكەنىنە كەلىسە المادىم. ۇيلەنۋ تويى كۇنى ول عاجاپ بولىپ جاتتى. مەن مۇنىڭ وعان ۇناعانىن بىلەمىن»، - دەپ جازدى بويجەتكەن.