قازاقستاندىق جەردى قاشىقتىقتان زوندتاۋ سەرىكتەرى ارال تەڭىزىنىڭ تۇبىنەن سەكسەۋىل كوشەتىن تاپتى - فوتو

استانا. قازاقپارات - «قازاقستان عارىش ساپارى» ۇ ك» ا ق ماماندارى ارال تەڭىزىنىڭ قۇرعاعان تابانىنداعى سەكسەۋىل كوشەتتەرىنىڭ بۇگىنگى جاي-كۇيىن تۇگەندەۋ جانە باعالاۋ بويىنشا جوبانى ىسكە اسىرۋدى اياقتادى.

بۇل تۋرالى ءبىزدىڭ اگەنتتىككە جوبا باسشىسى، «قازاقستان عارىش ساپارى» ۇ ك» ا ق ج ق ز عارىش جۇيەسى ورتالىعىنىڭ جەر ءۇستى ماقساتتى كەشەندەرى باسقارماسىنىڭ ينجەنەرى قانات سامارحانوۆ حابارلادى.

«ءبىزدىڭ ج ق ز سەرىگىنىڭ العان دەرەكتەرىن فوتوگراممەتريكالىق وڭدەۋ توبى ارال وڭىرىندە ءتورت اي جۇمىس ىستەدى، - دەدى ق. سامارحانوۆ. - گەوبوتانيكالىق زەرتتەۋ جانە عارىش تۇسىرىلىمدەرىن شەشۋدى قامتيتىن دالالىق زەرتتەۋ جۇرگىزىلىپ، ارال تەڭىزىنىڭ قۇرعاعان تۇبىنە ەگىلگەن وسىمدىكتەردىڭ كارتاسى جاسالدى».

1 مەتر كەڭىستىكتىك رۇقساتپەن KazEOSat-1 سەرىگىنەن عارىش تۇسىرىلىمدەرىن پايدالانىپ، بۇل جۇمىستاردىڭ ناتيجەسى بويىنشا 1988-جىلى ەگىلگەن سەكسەۋىل كوشەتىنىڭ جاي-كۇيىن انىقتادىق.

قانات سامارحانوۆ اتاپ وتكەندەي، جوبا ناتيجەسى ا ت ق ت اۋماعىنان قازاقستاننىڭ باسقا وڭىرلەرىنە تۇز، شاڭ ءوتۋ قارقىنىن تومەندەتۋگە ىقپال ەتەتىن سەكسەۋىل كوشەتتەرىنىڭ ءوسىپ تۇرعانى جايلى دەرەكتەردى ناقتىلاۋعا مۇمكىندىك بەرگەنىن اتاپ ءوتتى.