قوستانايدا عىلىمعا بەلگىسىز «قۇبىجىق» تابىلدى

ءۇستى باسى شىرىش الىپ قۇرت مەكتەپتىڭ وت جاعۋشىسىن تىستەپ الماق بولعان، دەپ جازادى «ەكسپرەسس ك» گازەتى.

باسىلىم تىلشىلەرى اۋىلداعى مال دارىگەرى سەرىك ىبىرايەۆقا حابارلاسقاندا، ول وت جاعۋشىنىڭ بەيمالىم قۇبىجىقتى تاۋىپ العاندىعىن راستاعان.

- ۇستىندە جىڭىشكە قىلشىعى بار، ەكى قاتار ءتىسى بار ەكەن. ومىرىمدە مۇنداي تىرشىلىك يەسىن كورمەگەنمىن. ۇزىندىعى 20 سانتيمەتر. بۇل عىلىمعا بەلگىلى پارازيت قۇرتتارعا جاتپايدى، ولار جۇمىرتقادان شىقپايدى عوي. ءارى جۇمىرتقا دوپ كولەمىندەي. بۇل باۋىرىمەن جورعالاۋشى. ونىڭ ءتۇرى قورقىنىشتى ەكەن، دەيدى مال دارىگەرى.

اتالمىش اۋىل ورماننىڭ اراسىندا ورنالاسقان، اۋليەكول اۋدانىنا قارايدى.

وت جاعۋشى جۇمىرتقانى مايكۇبىدەن اكەلىنگەن كومىردىڭ اراسىنان تاۋىپ العان. گازەت تىلشىلەرى حابارلاسقان مەكتەپ ديرەكتورى قايرات قايداۋىلوۆ وسىلاي دەپ وتىر.

ديرەكتوردىڭ ايتۋىنشا، قۇبىجىق قۇرت التى ساعات قانا ءومىر سۇرگەن. قازىر اۋىل تۇرعىندارى ونىڭ ءولى دەنەسى قاتىرىپ قويعان. ولار بەيمالىم ماقۇلىقتى زەرتتەۋ ءۇشىن عالىمدارعا بەرۋدى ءجون كورىپ وتىر.