تۋىستار اراسىنداعى نەكەگە تىيىم سالىندى

 بۇل تۋرالى Asia-Plus اگەنتتىگى حابارلايدى.

 «ەندى ءبىر- بىرىمەن تۋىس، اعايىن بولىپ كەلەتىن ازاماتتاردىڭ نەكەگە تۇرۋلارىنا تىيىم سالىنادى»، - دەدى وسى ماسەلە بويىنشا سويلەگەن ەلدىڭ دەنساۋلىق ساقتاۋ جانە الەۋمەتتىك قورعاۋ ءمينيسترى نۋسراتۋللو ساليمزودا.

 ونىڭ سوزىنشە، 2015 - جىلدىڭ باسىندا ەلدە 30 مىڭنان استام بالا دۇنيەگە مۇگەدەك بولىپ كەلگەن. ولاردىڭ باسىم بولىگى ەرى مەن ايەلى ءبىر- بىرىنە تۋىس بولىپ كەلەتىن وتباسىلاردىڭ بالالارى.

زاڭعا ەنگىزىلگەن تۇزەتۋلەر ەندى نەكەگە تۇرعىسى كەلگەن ازاماتتاردىڭ مىندەتتى تۇردە مەديتسينالىق تەكسەرۋدەن وتۋلەرىن تالاپ ەتەدى. ال، نەكەگە تىركەۋ ورىندارى مەديتسينالىق انىقتاماسىز جاستاردى نەكەگە تۇرعىزبايدى.

 زاڭعا ەنگىزىلگەن تۇزەتۋلەردە سونىمەن قاتار، نەكەگە تۇراتىن ازاماتتاردىڭ ج ق ت ب مەن ا ق ت ق ىندەتتەرى بويىنشا دا تەكسەرۋلەردەن وتۋلەرىن مىندەتتەيدى. بيلىك وكىلدەرى مۇنداي تالاپتاردىڭ شىعۋى اۋرۋ- سىرقاۋلاردىڭ الدىن الۋ ءۇشىن پايدالى ەكەندىكتەرىن ايتادى. اتالمىش تالاپتاردى ەل بيلىگى سونىمەن قاتار، ورتالىق ازيادان كەلىپ جاتقان ا ق ت ق ىندەتىن جۇقتىرعان بوسقىنداردىڭ قاتارىنىڭ كوبەيۋىمەن بايلانىستى دا قولعا الۋى مۇمكىن دەگەن دە پىكىر بار.

«قازاقستان» ارناسى