سىرداريا تاعى ءبىر ادامنىڭ ءومىرىن جالمادى

شىمكەنت. قازاقپارات - سىرداريادا تاعى ءبىر قايعىلى جاعداي ورىن الدى.

بۇل جايىندا وبلىستىق توتەنشە جاعداي دەپارتامەنتىنىڭ قۇتقارۋ جاساعىنا سۋىت حابار 11 -قاڭتار كۇنى كەشكىسىن تۇسەدى.

قوڭىراۋ شالعانداردىڭ حابارلاۋىنشا، 28 جاستاعى جىگىت داريانىڭ ۇستىندەگى كوپىردىڭ جانىندا بايقاۋسىزدا اياعى تايىپ كەتىپ، وزەنگە قۇلاعان. قايعىلى جاعداي تۇركىستان قالاسىنان 40 شاقىرىم جەردە بولدى، دەپ حابارلايدى otyrar.kz.

«تاڭعى ساعات 04:55 تە ءبىزدىڭ جاساقتىڭ ماماندارى كورسەتىلگەن مەكەنجايعا اتتاندى. سول جەردە قۇتقارۋشىلاردى جەرگىلىكتى تۇرعىندار 12 -قاڭتار كۇنى ساعات 09:35 تە كۇتىپ الدى. سۇڭگۋىرلەر دەرەۋ قۇتقارۋعا كىرىسىپ كەتتى»، - دەيدى وبلىستىق توتەنشە جاعداي دەپارتامەنتىنىڭ قۇتقارۋ جاساعىنىڭ رەسمي وكىلى پاۆەل ۆيشەنين.

ايتا كەتۋ كەرەك، سۇڭگۋىرلەر مەن قۇتقارۋشىلاردىڭ تاعى ءبىر توبى 7 -قاڭتار كۇنى جوعالعان بالىقشىنى ىزدەۋدە. ول موتورلى قايىقتىڭ بەنزين باگى جارىلعان سوڭ جوعالىپ كەتكەن ەدى. قۇتقارۋشىلار قازىرگى تاڭعا دەيىن وزەن اعىسىنىڭ بويىمەن تومەن قاراي 30 شاقىرىم جەردى ىزدەگەندەرىن ايتادى.