جاپونيا ىسىك اۋرۋىن انىقتايتىن قۇرىلعى شىعارماق

 بۇل تۋرالى ت ا س س اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.

جەرگىلىكتى ب ا ق وكىلدەرىنىڭ مالىمدەۋىنشە، جوبا ىسىنە بىرنەشە ءىرى كومپانيالار مەن ۇلتتىق ينستيتۋت جانە وساكا ۋنيۆەرسيتەتى اتسالىسۋدا.

جوسپار بويىنشا، قۇرىلعى سىرقات ادامنىڭ تىنىس الۋ جولدارى ارقىلى اۋرۋدىڭ بەلگىلەرىن انىقتايدى. سمارتفوندارعا جالعاۋ ارقىلى ءوز بەتىمەن اناليز تاپسىرۋعا بولادى. ناتيجەسى ەكران بەتىنە شىعادى. وسىلايشا، اركىم دەنساۋلىعىنا قاۋىپ تونگەن ساتتە تەكسەرىلىپ دياگنوز قويا الادى.

عالىمدار قۇرىلعىنىڭ ءتۇپ تۇلعاسىن جاساپ تا ۇلگەرگەن، الايدا ونى تولىعىمەن اياقتاۋ ءۇشىن ءالى دە بىرنەشە جىل ۋاقىت قاجەت. سونسوردى ىقشام ءارى قولجەتىمدى باعادا شىعارۋ جوسپارلاندى. سونداي- اق، عالىمدار قۇرىلعى ادام ىشىندەگى ىسىك شالعان اعزانى بىردەن انىقتاپ بىلەتىن اتقارىمىن شىعارادى. وسىعان بايلانىستى، سەنسور 2022 -جىلعا دەيىن قولدانىسقا ەنبەۋى مۇمكىن.

ايتا كەتەيىك، كۇنشىعىس ەلىندە ىسىك اۋرۋىنان جىلىنا 400 مىڭعا جۋىق ادام قايتىس بولادى. جەرگىلىكتى دارىگەرلەر ىندەتتىڭ بۇل تۇرىنە وتە سيرەك اناليز تاپسىراتىنىنا الاڭداۋشىلىق بىلدىرەدى. ونكولوگ ماماندارىنىڭ ايتۋىنشا، اتالعان اۋرۋدىڭ باستاپقى ساتىسىندا ەمدەلۋ مۇمكىندىگى جوعارى بولادى. ال بۇل قۇرىلعى قولدانىسقا ەنەر بولسا، باستى ماسەلەنىڭ شەشىلۋىنە ۇلكەن سەپتىگىن تيگىزەرى انىق.