اسكەري- اۋە كۇشتەرىندە كومانديرلىك ۇشۋلار ۇيىمداستىرىلدى - فوتو
استانا. قازاقپارات - بۇگىن، قازاقستان اسكەري- اۋە كۇشتەرىنىڭ بارلىق اۆياتسيالىق بازالارىندا جاڭا 2016 وقۋ جىلى جاۋىنگەرلىك دايارلىق جوسپارىنا سايكەس كومانديرلىك ۇشۋلاردى ۇيىمداستىرۋ مەن وتكىزۋدەن باستالدى،
دەپ حابارلايدى قورعانىس مينيسترلىگىنىڭ باسپا ءسوز قىزمەتى.
«اۋقىمدى شارانىڭ ماقساتى - پيلوتاجداۋ شەبەرلىگىندە ۇشۋ داعدىسىن تاعى ءبىر مارتە پىسىقتاۋ جانە مەڭگەرۋ بولىپ تابىلادى. ۇشۋ قۇرامىمەن الدىن الا اتالعان جاعدايلاردا ۇشۋ دايارلىعىنىڭ تۇرلەرى بويىنشا ساباقتار وتكىزىلدى. سونىمەن قاتار باسشىلىق ۇشۋ قۇرامىنىڭ ءبىلىمى تەكسەرىلىپ، ازىرلىگى باقىلاندى. كومانديرلىك ۇشۋلار باسشىلىق ۇشۋ قۇرامىنىڭ تاعى ءبىر رەت ءوزىنىڭ ۇشۋ شەبەرلىگىن، ماشىعىن يگەرىپ، جەتىلدىرۋ ءۇشىن ماڭىزدى قادامنىڭ ءبىرى بولىپ تابىلادى»، - دەدى اسكەري- كولىك اۆياتسياسىنىڭ اۆياتسيالىق جاساق كومانديرى پودپولكوۆنيك سالامات ساتىبالدين.
اسكەري- اۋە كۇشتەرى ءۇشىن بۇل جاي ءداستۇر عانا ەمەس، وسى كەزدە اۆياتسيالىق بولىمدەردىڭ كومانديرلەرى جاڭا وقۋ جىلىنداعى ۇشۋلاردىڭ باستالۋىنىڭ ىرگەتاسىن قالايدى. العاشقى كومانديرلىك ۇشۋلار كورنەكىلىك ماقساتتا بولىپ كەلەدى.
ۇشۋلارعا اۆياتسيالىق بازالاردىڭ باسشىلىق قۇرامى ءا ءا ك قولباسشىسى باسقارماسىنىڭ ينسپەكتور ۇشقىشتارى قاتىستى.
«وسى كۇنى اسكەري اۋە ايلىقتاردا جيناقتاعان تاجىريبەسىن جاس ماماندارعا كورسەتە جانە بولىسە وتىرىپ، تەك قانا جوعارى بىلىكتى ماماندار جۇمىس جاسايدى»، - دەپ اتاپ ءوتتى اسكەري- اۋە كۇشتەرىنىڭ قولباسشىسى اۆياتسيا گەنەرال- مايورى داۋرەن قوسانوۆ.
