ايگىلى اكتەر ستيۆەن سيگال ا ق ش-تىڭ ازاماتتىعىنان باس تارتتى

بۇل تۋرالى ر ي ا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.

سەربيانىڭ «سلۋجبەني گلاسنيك» دەپ اتالاتىن رەسمي باسىلىمى بەلگىلى اكتەر، ا ق ش ازاماتى، 1952 -جىلدىڭ 10 -ساۋىرىندە امەريكانىڭ ميچيگان (لانسيڭ، ينگحەم) شتاتىندا دۇنيەگە كەلگەن سيگال ستيۆەن فرەدەريكتىڭ سەربيا ازاماتتىعىن العانىن حابارلادى. اكتەرگە ازاماتتىق بەرۋ تۋرالى شەشىمگە سەربيا ۇكىمەتىنىڭ ءتوراعاسى الەكساندر ۆۋچيچ قول قويىپ، بۇل قۇجات 2016 -جىلدىڭ 8 -قاڭتارىندا بەلگىلەنگەن.

سوڭعى ايلاردا سەربياعا ەكى رەت كەلگەن ستيۆەن سيگال وسى ەلدىڭ باسشىلىعىمەن كەزدەسكەن ەدى. ول سونداي-اق، بالالارمەن، پوليتسيا وكىلدەرىمەن جۇزدەسىپ، جاڭا جىل قارساڭىندا مۋزىكالىق توبىمەن بىرگە بەلگرادتىڭ كوشە كونسەرتتەرىندە ونەر كورسەتكەن بولاتىن.

وسى كەزدەسۋلەر بارىسىندا سيگال ساياسي تۇرعىدا بىرنەشە مالىمدەمە دە جاسادى. ول سوڭعى ۋاقىتتا سەربيانىڭ ادىلەتسىزدىككە ءتوزىپ كەلگەنىن، ا ق ش- تىڭ سەربتەرگە قاتىستى سوقىر نانىمدا ەكەنىن، وسى ەلدەگى 1990-جىلدارداعى وقيعالار جونىندە قاتە پىكىر قالىپتاسقانىن دا اشىق ايتتى.

ەلامان قوڭىر.

دەرەك، سۋرەت: ر ي ا «نوۆوستي».