ايگىلى اكتەر جەتىنشى بالانى كۇيەۋىنەن جاسىرىپ اسىراپ الدى

باسىلىم سىلتەمە جاساعان دەرەككوز اسىراپ الۋ «قۇپيا اسكەري وپەراتسيانى ەسكە سالدى» دەپ پايىمدايدى، ويتكەنى دجوليدىڭ كۇيەۋى ونسىز دا ۇلكەن وتباسىن ودان ءارى كەڭەيتۋگە قۇشتار بولماعان.

قازىرگى كەزدە جۇلدىزدى ەرلى-زايىپتىلار بالا اسىراپ الۋ تۋرالى اقپاراتتى ازىرگە قۋاتتاعان جوق. ولاردىڭ وتباسىندا اللويادان باسقا، التى بالا: 14 جاستاعى مەددوكس، ون جاستاعى زاحارا، توعىز جاستاعى شايلو، 12 جاستاعى پاكس جانە جەتى جاسار ەگىزدەر نوكس پەن ۆيۆەن تاربيەلەنۋدە.

اللويانىڭ تۋىستارى سيەم-ريپ قالاسىنىڭ لاشىقتارىندا تۇرىپ جاتىر، وندا دجولي 1975-1978-جىلداردا «قىزىل كحمەرلەر» رەجيمى كەزىندەگى ەل حالقىنا جاسالعان زۇلمات جونىندە باياندايتىن كامبودجالىق جازۋشى لۋنگ ۋنگتىڭ «الدىمەن ولار اكەمدى ءولتىردى: كامبودجا قىزىنىڭ ەستەلىكتەرى» كىتابى بويىنشا تۇسىرىلگەن ءوزىنىڭ «الدىمەن ولار مەنىڭ اكەمدى ءولتىردى» فيلمىن تۇسىرگەن بولاتىن.

بۇل كارتينانى Netflix كينوكومپانياسى ءتۇسىردى، سەناريىن دجولي لۋنگ ۋنگپەن بىرلەسىپ جازدى، ال پروديۋسەرلەرى دجوليدىڭ ءوزى مەن كامبودجالىق رەجيسسەر ريتي پان. كارتيناداعى رولدەردىڭ ءبىرىن كامبودجادا تۋعان دجوليدىڭ اسىراپ العان ۇلى 13 جاسار مەددوكس وينادى.

اندجەلا دجولي 13 جىلدان استام ۋاقىت بويى ب ۇ ۇ- نىڭ بوسقىندار ءىسى جونىندەگى جوعارعى كوميسسارياتىندا ىزگى نيەت ەلشىسى بولىپ كەلەدى. وسى جىلدار ىشىندە ول كامبودجاداعى، انگولاداعى، ينگۋشەتياداعى (رەسەي)، وسەتياداعى (رەسەي)، يوردانياداعى، يراكتاعى، يسپانياداعى، پاكىستانداعى، اۋعانستانداعى، گايتيدەگى، تۋنيستەگى جانە باسقا ەلدەردەگى بوسقىندار لاگەرلەرىندە بولدى.