جول-كولىك اپاتىنا ۇشىراعان كولىك جولاۋشىسى پوليتسەيمەن توبەلەسكەن
تالدىقورعان. قازاقپارات - ىلە اۋدانى اشىبۇلاق كەنتىندە «اۋدي-100» ماشيناسىنىڭ جۇرگىزۋشىسى كولىكتى باسقارا الماي، باعاناعا سوعىلدى.
جول-كولىك اپاتى ورنىنا شىققان پوليتسەيلەر جۇرگىزۋشىگە عانا ەمەس، ونىڭ 30 جاستاعى ماس جولاۋشىسىنا دا كومەكتەستى.
ماس ەر ادام جول پوليتسەيلەرىنىڭ قىزمەتىنە كەدەرگى كەلتىرىپ، داۋ شىعارعان، كەيىن وفيتسەرلەردىڭ بىرىنە تۇرا ۇمتىلعان. وسىلايشا ونىڭ قىزمەتتىك كيىمىنە زاقىم كەلتىردى.
پوليتسەيگە شابۋىلداۋ فاكتىسى بويىنشا ق ر ق ك 380-بابىنا سايكەس قىلمىستىق ءوندىرىس قوزعالدى.
