ب ا ق: وباما سيريالىق بوسقىندى ءوزىنىڭ جىل سايىنعى سوڭعى جولداۋىنا شاقىردى

 دەپ حابارلادى ت ا س س USA Today گازەتىنە سىلتەمە جاساپ.

باسىلىم دەترويتتا تۇراتىن 55 جاستاعى سيريالىق مەملەكەت باسشىسىنىڭ جولداۋى كەزىندە ەلدىڭ ءبىرىنشى حانىمى ميشەل وبامامەن قاتار وتىرادى، دەپ اتاپ وتەدى. حامو ازامات سوعىسى شارپىعان سيريادان 2013 - جىلى ولاردىڭ ۇيىندە بومبا ءتۇسىپ، وتباسىنان ايرىلعاننان كەيىن كەتتى. عالىم اۋەلى تۇركياعا اتتاندى، ال وتكەن جىلى ا ق ش بيلىگى وعان بوسقىن مارتەبەسىن بەرگەننەن كەيىن دەترويتقا كەلدى.

USA Today وسىلايشا وباما سيريالىق بوسقىنداردى قابىلداۋعا ءۇزىلدى- كەسىلدى قارسىلىق ءبىلدىرىپ وتىرعان ا ق ش كونگرەسىندەگى كوپشىلىك داۋىسقا يە رەسپۋبليكاندىقتارعا قارسىلىعىن بىلدىرۋدە. ماسەلەن، بۇدان بۇرىن الاباما جانە تەحاس بيلىكتەرى وسى شتاتتاردىڭ اۋماعىنا بوسقىنداردى ودان ءارى ورنالاستىرۋدى توقتاتۋ ماقساتىندا فەدەرالدىق ۇكىمەتكە تالاپ- شاعىم بەرگەن بولاتىن. وتكەن جىلعى 13 - قاراشادا پاريجدە لاڭكەستىك اكتى جاسالىپ، 130 ادام ونىڭ قۇربانى بولۋى «يسلام مەملەكەتى» لاڭكەستىك ۇيىمىنىڭ سودىرلارى بوسقىندارمەن بىرگە ەلگە كەلۋى مۇمكىن دەگەن قاۋىپ بىلدىرۋدە.

ەلدىڭ 30-دان استام شتاتىنىڭ بيلىگى قونىستانۋشىلاردى ءوز اۋماقتارىندا ورىنالاستىرۋدان باس تارتاتىنىن مالىمدەدى. وتكەن جىلدىڭ قىركۇيەك ايىندا اق ءۇيدىڭ باسپا ءسوز حاتشىسى دجوشۋا ەرنەست ا ق ش 2016 -جىلى كەمىندە 10 مىڭعا تارتا سيريالىق بوسقىنداردى قابىلداۋدى جوسپارلاپ وتىرعانىن حابارلاعان بولاتىن. سيرياداعى قارۋلى قاقتىعىستار باستالعالى ا ق ش 1,5 مىڭعا جۋىق وسى ەلدىڭ بوسقىندارىن ورنالاستىردى.

 امەريكاندىق پرەزيدەنتتەر جىل سايىنعى جولداۋلارىندا ەلدەگى جاعدايعا ءوزىنىڭ پايىمداۋلارىن باياندايدى، ىشكى جانە سىرتقى ساياساتتىڭ باسىمدىقتى باعىتتارىن بەلگىلەيدى. سويلەنەتىن ءسوزدىڭ نەگىزگى بولىگى ءداستۇرلى تۇردە ەكونوميكالىق جاعدايعا ارنالادى. پرەزيدەنت جولداۋىن كونگرەستىڭ قوس پالاتاسىنىڭ بىرلەسكەن وتىرىسىندا جوعارعى سوت سۋديالارىنىڭ، شتاب باستىقتارىنىڭ بىرىككەن كوميتەتىنىڭ مۇشەلەرى مەن كابينەت مۇشەلەرىنىڭ قاتىسۋىمەن جاريالايدى. ادەتتە سويلەنەتىن ءسوز ءبىر ساعاتتان اسپايدى.