جەتپىس جاستاعى قارت بار جيعان- تەرگەن اقشاسىن اۋىلىنداعى كوپىردىڭ سالىنۋىنا جۇمسادى
استانا. قازاقپارات - 70 جاستاعى ۋ يۋەيۋن جيناعان اقشاسىنىڭ ءبارىن كوپىردىڭ قۇرىلىسىنا بەردى. مۇنداي قادامعا ول تۋعان اۋىلىنىڭ جوندەۋ جۇمىستارى ءۇشىن قاجەتتى قارجىلاندىرۋ الماعانىن ەستىگەننەن كەيىن بارعان.
ونىڭ بەرگەن اقشاسىنىڭ سوماسى شامامەن 18,2 مىڭ دوللاردى قۇرادى. قارت ەر ادام كوشە ساتۋشىسى بولىپ جۇمىس ىستەپ، بۇل اقشانى ءتورت جىل جيناعان ەدى.
كوپىردىڭ قۇرىلىسى ۋ يۋەيۋن ءۇشىن ۇلكەن ماڭىزى بار، سەبەبى بالالىق شاعىندا ول بۇل كوپىرمەن كورشىلەس اۋىلداعى دوستارىنا جۇگىرىپ بارىپ- كەلىپ جۇرگەن. ءبىراق ءتورت جىل بۇرىن كوپىر تولاسسىز جاۋعان نوسەر سالدارىنان وپىرىلىپ قۇلادى.
